ప్రస్తుతం ఇండస్ట్రీలో బాలయ్య బోయపాటి కాంబినేషన్ ఎలా ఉంటుందో మనం ప్రత్యేకంగా చెప్పుకోవాల్సిన పనిలేదు.. అయితే ఒకప్పుడు బాలయ్య మరియు బి.గోపాల్ కాంబినేషన్ కూడా ఇంతకు మించి ఉండేది. వీరి కాంబోలో సినిమా వచ్చింది అంటే సూపర్ హిట్ గా నిలవడమే కాకుండా రికార్డులు బ్రేక్ చేసేవి. ఇందులో చెప్పుకోవాల్సినవి లారీ డ్రైవర్, రౌడీ ఇన్స్పెక్టర్ ఇలాంటి బ్లాక్ బాస్టర్ సినిమాలు ఉన్నాయి..
బాలయ్య కోసం మంచి కథ కావాలని 30 కథలు విని ఫైనల్ చేశారు. ఆ టైంలో ఫ్యామిలీ మూవీ హవా కొనసాగుతోంది. సమరసింహారెడ్డి కథేమో యాక్షన్ సినిమా.. కానీ 1999లో సంక్రాంతికి ఈ మూవీ విడుదలై రికార్డులు బద్దలు కొట్టింది. కలెక్షన్ల వర్షం కురిపించింది.. అలాంటి ఇండస్ట్రీ హిట్ కొట్టిన ఈ సినిమాకు ముందుగా సమరసింహం అనే టైటిల్ అనుకున్నారట. కానీ రచయిత పరుచూరి గోపాలకృష్ణ సలహా మేరకు ఈ సినిమాకు సమరసింహారెడ్డి అనే టైటిల్ ఎంపిక చేశారు.
ఈ చిత్రానికి మణిశర్మ మ్యూజిక్ అందించారు.. కట్ చేస్తే..ఇంతటి క్రేజీ చిత్రాన్ని ఒక హీరోయిన్ మిస్ చేసుకుంది. అది కూడా సినిమాలో ఒక సీన్ నచ్చలేదని చెప్పి తప్పుకుందట. ఆ ముద్దుగుమ్మ ఎవరో కాదు రాశి.. అయితే ఈ సినిమాలో సీతాకోక చిలక సీన్ ని రాశి ఒప్పుకోలేదట.. దీంతో ఈ ప్లేస్ లో సిమ్రాన్ చేసింది. సంక్రాంతి కి విడుదలైన ఈ సినిమా ఆరు కోట్ల బడ్జెట్ పెడితే 16 కోట్ల కలెక్షన్లు సాధించి సరికొత్త రికార్డు క్రియేట్ చేసింది.
