మాటల మాంత్రికుడు త్రివిక్రమ్ శ్రీనివాస్.. త్రివిక్రమ్ అంటే అది పేరు కాదు అది ఒక బ్రాండ్. ఈయన చేసింది తక్కువ సినిమాలే అయినప్పటికీ మరి అంతలా పేరు సంపాదించుకున్నారు. త్రివిక్రమ్ సినిమాలన్నీ ఓ సపరేట్ స్టైల్ లో ఉంటాయి అనడంలో ఏమాత్రం సందేహం లేదు. ఆయన పెన్ను నుంచి డైలాగులు వచ్చాయంటే అవి ట్రెండ్ సెట్టింగ్ కావాల్సిందే. ఇవన్నీ పక్కన పెడితే.. త్రివిక్రమ్ ఎంత పెద్ద హిట్ సినిమా తీసినప్పటికీ ఆ సినిమాలోని మెయిన్ లైన్ ను ఏదో ఒక పాత సినిమా నుంచి పూర్తిగా తీసుకుంటాడు అన్న టాక్ ఇండస్ట్రీ వర్గాలలో ఉంది.
త్రివిక్రమ్ సినిమాలు పాత సినిమాల లైన్లను పోలి ఉంటాయి. ఈ ఇంటర్నెట్ యుగంలో సినిమాకు సంబంధించిన కథను, సీన్లను ఎక్కడి నుంచి కాపీ కొట్టారు అనేది నిమిషాలలోనే బయటపడిపోతుంది. నితిన్ అ ఆ సినిమా విజయనిర్మల దర్శకత్వం వహించిన మీనా ను పోలి ఉంటుందని అప్పట్లో టాక్ వినిపించింది. ఇక వెంకటేష్ హీరోగా వచ్చిన నువ్వు నాకు నచ్చావు సినిమాలోని సీన్లకు కూడా కొన్ని ఆంగ్ల సినీ మూలాలు ఉన్నాయి. ముఖ్యంగా ఈ సినిమాలో డైనింగ్ టేబుల్ సీన్.. ఓ హాలీవుడ్ సినిమాలో ఉంటుంది. ఇక మన్మధుడు మూవీ కి ఒక హాలీవుడ్ సినిమా మూలం అని అప్పట్లో ట్రోల్ చేశారు. ఇక త్రివిక్రమ్ కెరీర్ లో రెండవ చిత్రం మహేష్ బాబు హీరోగా త్రివిక్రమ్ తెరకెక్కించిన సినిమా అతడు.
ఈ సినిమాలో త్రిష హీరోయిన్ గా నటించింది. జయభేరి ఆర్ట్స్ బ్యానర్ పై సినీ నటుడు మురడి మోహన్ ఈ చిత్రాన్ని నిర్మించారు. అయితే ఈ చిత్రంలో మెయిన్ లైన్.. ట్రైన్ లో చనిపోయిన ఓ వ్యక్తి ప్లేస్ లోకి హీరో ఆ కుటుంబంలోకి ఎంట్రీ ఇచ్చి వారి సమస్యలను పరిష్కరిస్తాడు. ఈ లైన్ నాగార్జున హిట్ సినిమా రాముడొచ్చాడు నుంచి ప్రేరణగా తీసుకున్నాడు అనే టాక్ ప్రస్తుతం నడుస్తుంది. ఏ కోదండరామిరెడ్డి దర్శకత్వంలో 1996లో వచ్చిన ఈ సినిమాలో రవళి, సౌందర్య హీరోయిన్లుగా నటించారు. ఈ చిత్రంలో హీరో అమెరికా నుంచి ఇండియాకు వస్తాడు. అయితే పాత కక్షలతో విడిపోయిన వారి బంధువులతో పాటు గ్రామాలను కలుపుతాడు. అయితే త్రివిక్రమ్ కూడా ఈ లైన్ నుంచి స్ఫూర్తి పొందే అతడు సినిమాని డెవలప్ చేసుకున్నాడు అన్న టాక్ ఇండస్ట్రీ వర్గాలలో ఉంది.
