ఇటీవల సోషల్ మీడియా వాడకం చాలా పెరిగిపోయింది. సామాన్యుల నుంచి సెలబ్రిటీల వరకు అందరూ సోషల్ మీడియాలో మునిగితేలుతున్నారు. ఈ క్రమంలోనే తమ వ్యక్తిగత విషయాలను, చిన్ననాటి ఫోటోలను షేర్ చేసుకుంటున్నారు. ఒకప్పుడు హీరోయిన్ల ఫోటోల కోసం న్యూస్ పేపర్లలో, వీక్లీస్ లో చూసేవారు. అప్పట్లో టెక్నాలజీ అంత అభివృద్ధి చెందలేదు. అలా వారి చిన్నప్పటి ఫోటోలను చూపిస్తే జనాలు ఎగబడి చూసేవారు. ఇప్పుడైతే ఆ ప్రాబ్లం లేదు. చాలావరకు హీరోయిన్ల ఫోటోలు సోషల్ మీడియాలో అందుబాటులో ఉంటున్నాయి. ఈ క్రమంలోనే ఓ హీరోయిన్ చిన్నప్పటి ఫోటో వైరల్ గా మారింది. దానికి అభిమానులు తెగ లైకులు కొడుతున్నారు.
ఈమె ఎవరో కాదు అందాల రాక్షసి చిత్రంతో టాలీవుడ్ లో అరంగేట్రం చేసిన లావణ్య త్రిపాఠి. ఈ చిత్రం తరువాత వరుస సినిమాలు చేసి స్టార్ హీరోయిన్ గా ఇండస్ట్రీలో గుర్తింపు సంపాదించుకుంది. దూసుకెళ్తా, భలే భలే మగాడివోయ్, సోగ్గాడే చిన్నినాయన, శ్రీరస్తు శుభమస్తు, ఉన్నది ఒకటే జిందగీ, అర్జున్ సురవరం లాంటి హిట్ సినిమాలను తన ఖాతాలో వేసుకుంది. ఉత్తరప్రదేశ్ అయోధ్యలో పుట్టిన ఈమె.. డెహ్రాడూన్ లో స్టడీస్ పూర్తి చేసింది. చిన్నప్పుడే భరతనాట్యం నేర్చుకుని.. ముంబైలో డిగ్రీ చదువుతున్న సమయంలో యాక్టింగ్ చాన్సుల కోసం ప్రయత్నించింది.
ఆ తర్వాత సీరియల్స్ లో నటిస్తున్న సమయంలో అందాల రాక్షసి సినిమాలో హీరోయిన్ గా అవకాశం వచ్చింది.లావణ్య త్రిపాఠి చిన్ననాటి ఫోటో ప్రస్తుతం వైరల్ గా మారింది. ఇక హ్యాపీ బర్త్డే చిత్రంతో సందడి చేసిన ఈ ముద్దుగుమ్మ.. ప్రస్తుతం సినిమాల‌కు దూరంగా ఉంది. వ‌రుణ్ తేజ్‌తో పెళ్లి అయ్యాక ఈ అమ్మడు గృహిణిగా తన లైఫ్‌ను ఎంజాయ్ చేస్తోంది.
