తమిళ సూపర్ స్టార్ రజినీకాంత్ కు ఉన్న ఫ్యాన్ ఫాలోయింగ్ గురించి ప్రత్యేకంగా చెప్పనక్కర్లేదు. ఆయన నటించిన ప్రతి తమిళ సినిమా కూడా తెలుగులో డబ్ అవుతుంది. అవన్నీ కూడా తెలుగు ప్రేక్షకులను బాగానే అలరిస్తూ ఉంటాయి. రజనీకాంత్ తెలుగు తెరపై కనిపించిన తొలి చిత్రం అంతులేని కథ. 1975లో వచ్చిన ఈ చిత్రంతో రజనీకాంత్ కి టాలీవుడ్ కి మధ్య విడదీయరాని అనుబంధం ఏర్పడింది. మోహన్ బాబు హీరోగా తెరకెక్కిన పెదరాయుడు చిత్రంతో రజనీకాంత్ తెలుగు ప్రేక్షకులకు మరింత దగ్గరయ్యారు. అలాగే రజనీకాంత్ బ్లాక్ బస్టర్ హిట్ సినిమాలలో శివాజీ సినిమా కూడా ఒకటి.
2007 సంవత్సరంలో 60 కోట్ల బడ్జెట్ తో తెరకెక్కిన శివాజీ చిత్రం బాక్స్ ఆఫీస్ వద్ద 200 కోట్ల రూపాయలను వసూలు చేసి భారీ విజయాన్ని నమోదు చేసింది. ఈ చిత్రంలో రజనీకాంత్ కి జోడిగా శ్రీయ నటించారు. అలాగే ఈ చిత్రంలో ప్రేక్షకులకు బాగా గుర్తుండిపోయే పాత్రలు అక్కమ్మ, జక్కమ్మ. ఈ సినిమాలో రజనీకాంత్ శ్రీయని ప్రేమిస్తారు. కానీ శ్రీయ కుటుంబ సభ్యులు నో చెప్పడంతో దీపావళి పండుగ సందర్భంగా శివాజీ తన కుటుంబ సభ్యులతో కలిసి హీరోయిన్ ఇంటికి వెళ్లడం జరుగుతుంది. కానీ శ్రీయ తండ్రి రజనీకాంత్ ని తన ఇంట్లో నుంచి గెంటివేస్తారు. దీంతో వారి ఇంటి పక్కనే ఉన్న సోలో మాన్ పాపయ్య రజనీకాంత్ ని మనం పరిచయం పెంచుకుందాం అని తన ఇంటికి ఆహ్వానిస్తారు.
అప్పుడు ఆ అమ్మాయి పెళ్లి చేసుకోకుంటే ఏంటి? నాకు ఇద్దరు కూతుర్లు ఉన్నారు.. వారిలో ఎవరినైనా చేసుకోవచ్చు అని రజనీకాంత్ కి చెబుతారు. అప్పుడు మొహానికి నల్ల రంగు పూసుకున్న ఈ ఇద్దరు అక్క చెల్లెలు ఈ చిత్రంలో రజనీకాంత్ వెంట పడతారు. ఈ సన్నివేశం చాలా మంది ప్రేక్షకులను బాగా నవ్వించింది. అయితే బయట కూడా వీరిద్దరూ ఇలానే ఉంటారా అని చాలామందికి అనుమానం వచ్చింది. కానీ వాళ్లు బయట చాలా అందంగా ఉంటారు. ఈ చిత్రం కోసమే వాళ్ళు అలా నటించినట్లు వాళ్ళ ఫోటోలు చూస్తే అర్థమవుతుంది. వీరిద్దరి అసలు పేర్లు అంగవై, సంఘవై. వీళ్లకు సంబంధించిన ఫోటోలు సోషల్ మీడియాలో వైరల్ కావడంతో.. ఈ ఫోటోలను చూసిన నెటిజన్లు అక్కమ్మ, జక్కమ్మ బయట చాలా అందంగా ఉన్నారని కామెంట్స్ చేస్తున్నారు.
