గర్భిణీ స్త్రీలు కాకరకాయ తినవచ్చు. ఇది తల్లి, బిడ్డ ఇద్దరికీ చాలా ప్రయోజనకరం. కాకరకాయలో పోషకాలు పుష్కలంగా ఉంటాయి. ఇది రక్తంలో చక్కెరను నియంత్రిస్తుంది, రోగనిరోధక శక్తిని పెంచుతుంది, జీర్ణక్రియను మెరుగుపరుస్తుంది. అయితే, ఏదైనా ఆహారం మితంగా తీసుకోవడం మంచిది, అతిగా తినడం మంచిది కాదు. కాకరకాయలో ఐరన్, నియాసిన్, పొటాషియం, జింక్, ఫోలేట్ వంటి పోషకాలు పుష్కలంగా ఉంటాయి.
ఇది జీర్ణక్రియను మెరుగుపరుస్తుంది, జీర్ణ సంబంధిత సమస్యలను తగ్గిస్తుంది, మలబద్ధకాన్ని నివారిస్తుంది. కాకరకాయలో ఉండే చరాంటిన్, పాలిపెఫ్టైడ్-పి వంటి పోషకాలు రక్తంలో చక్కెర స్థాయిల‌ని నియంత్రిస్తాయి, గర్భధారణ సమయంలో వచ్చే జెస్టేషనల్ డయాబెటిస్‌ను నివారిస్తాయి.
యాంటీ ఆక్సిడెంట్ గుణాలు అధికంగా ఉండటం వల్ల శరీరానికి రోగనిరోధక శక్తి లభిస్తుంది, ఇన్ఫెక్షన్ల నుండి రక్షిస్తుంది. కాకరకాయలో ఫైబర్ అధికంగా ఉండటం వల్ల, జంక్ ఫుడ్, అధిక కేలరీల ఆహారం తినాలనే కోరికలు తగ్గుతాయి. గర్భిణీ స్త్రీలు కాకరకాయను మితంగా మాత్రమే తీసుకోవాలి. ఏదైనా ఆహారం అతిగా తీసుకోవడం వల్ల చెడు ప్రభావాలు వచ్చే అవకాశం ఉంది.
