బరువు తగ్గడం చాలా పెద్ద ఛాలెంజ్. ఏళ్ల తరబడి కసరత్తులు చేసినా కనీసం కూడా బరువు తగ్గరు చాలా మంది. ప్రతి రోజూ జిమ్‌కు వెళ్లి చెమట చెరువులు కట్టించినా ఫలితం అంతంత మాత్రంగానే కనిపిస్తుంది. స్పెషల్ ట్రైనర్‌ను పెట్టుకున్నా రిజల్ట్స్ మాత్రం కనిపించట్లేదు. ఇది యువత ముందు ఉన్న అతిపెద్ద ఛాలెంజ్‌గా మారింది. అయితే నిపుణులు మాత్రం బరువు తగ్గడం అనేది అతిపెద్ద సమస్యే కాదని అంటున్నారు. కరెక్ట్‌గా ప్రయత్నించాలే కానీ ఒక్క వారంలో ఐదు కిలోల బరువు తగ్గొచ్చంటున్నారు. కఠిన ఆహార ప్రణాళిక, వ్యాయామంతో ఇది సాధ్యమవుతుందని అంటున్నారు. అదే విధంగా వారంలో ఐదు కిలోల బరువు తగ్గాలంటే ఎలాంటి డైట్ మెయింటెయిన్ చేయాలంటే.. డైట్ ప్లాన్ అనేది కేవలం ఆహారం తగ్గించడమే కాకుండా పూర్తి ఆరోగ్యంపై దృష్టి పెట్టాలి. బరువు తగ్గే క్రమంలో మొత్తం ఆరోగ్యాన్ని ప్రోత్సహించే పద్దతిలోనే ప్లాన్ చేసుకోవాలని నిపుణులు చెప్తున్నారు.
ఆరోగ్యకరమైన పద్దతిలో వారంలోనే సులువుగా మూడు నుంచి అయిదు కిలోలు బరువు తగ్గొచ్చు. వారంలో ఐదు కిలోల బరువు తగ్గడం అనేది ఆషామాషీ వ్యవహారం కాదు. అదొక పెద్ద ఛాలెంజ్. అకుంఠిత దీక్షతోనే దీనిని సాధించగలం. అందుకు పక్కా టైమ్‌టేబుల్‌ను కూడా పాటించాలి. అది ఎలా అంటే.. ఉదయం 6.30 గంటలకు సోంపు గింజల నీరు తాగాలి. ఒక గ్లాసు నీటిలో 1 టీస్పూన్ సోంపు గింజలను రాత్రంతా నానబెట్టండి. దాన్ని ఉదయాన్నే పరగడుపున వడకట్టి ఖాళీ పొట్టతో త్రాగాలి. దీని వల్ల జీర్ణక్రియకు మేలు జరగుతుంది. పొట్ట ఉబ్బరాన్ని తగ్గిస్తాయి. అల్పాహారం: ఉదయం 8 గంటలకు. బ్రేక్ ఫాస్ట్లో అవోకాడో కచ్చితంగా ఉండేలా చూసుకోండి. ఒక అవోకాడోను, నల్ల ఉప్పు, నిమ్మరసంతో కలిపి తినాలి. దీనిలో ఆరోగ్యకరమైన కొవ్వులు ఉంటాయి. పిండి పదార్థాలు పూర్తిగా ఉండవు, ప్రోటీన్ తక్కువగా ఉంటుంది.
అల్పాహారం తిన్నాక ఒక గంట గ్యాప్ ఇచ్చి గ్రీన్ టీ తాగాలి.. మిడ్ మార్నింగ్ స్నాక్స్: ఉదయం 10.30 గంటలకు కీరదోసకాయ, పుదీనా డిటాక్స్ వాటర్: ఒక గ్లాసు కీరదోసకాయ ముక్కలు, పుదీనా ఆకులు, చిటికెడు పింక్ సాల్ట్ వంటివి కలిపి దీన్ని తయారుచేయాలి. దీనిలో కేలరీలు పూర్తిగా సున్నా. లంచ్: మధ్యాహ్నం 1 గంటకు ఆలివ్ ఆయిల్ తో గుమ్మడికాయ నూడుల్స్: ఒక కప్పు గుమ్మడికాయ గుజ్జును ఒక టీస్పూన్ ఆలివ్ ఆయిల్ లో వేసి, వెల్లుల్లి, మిరపకాయలతో వేయించుకుని తినాలి. గ్రీన్ సలాడ్: పాలకూర, దోసకాయ, కొన్ని బాదం పప్పులు, నిమ్మకాయ రసం చల్లుకుని తినాలి. దీనిలో తక్కువ కార్బో, తక్కువ ప్రోటీన్, హైడ్రేటింగ్. సోంపు గింజల టీ: సోంపు గింజలను నీటిలో వేసి బాగా మరిగించండి. ఆ నీటిని వడకట్టి ఆ నీళ్లను తాగాలి. సాయంత్రం 4 గంటలకు కొబ్బరి నీరు తాగాలి. ఒక గ్లాసు కొబ్బరి నీళ్లు తాగడం వల్ల ఎలక్ట్రోలైట్స్ అందుతాయి. కొబ్బరి నీళ్లు తాగడం కుదరకపోతే హెర్బల్ టీ తాగవచ్చు.
డిన్నర్: రాత్రి 7.30కు.. వెజిటేబుల్ సూప్: ఉడికించిన పాలకూర, సెలెరీ, పుట్టగొడుగులతో తయారుచేసిన సూప్ తాగితే మంచిది. ఉప్పు, నల్ల మిరియాల పొడి వేసి తయారు చేసిన ఈ సూప్ లో పిండి పదార్థాలు ఉండవు. ప్రోటీన్ తక్కువగా ఉంటుంది. గ్రీన్ టీ: ఒక కప్పు గ్రీన్ తాగడం వల్ల ఉపయోగం ఉంటుంది. సోంపు దాల్చినచెక్క నీరు: సోంపు గింజలు, ఒక చిన్న దాల్చినచెక్క కర్రను నీటిలో మరిగించి ఆ నీటిని తాగేందుకు ప్రయత్నించండి. ఇది అద్భుతంగా పనిచేస్తుంది. ఈ డైట్ తో ఒక గంట కార్డియో చేస్తే మంచిది. ఇలా తిని… వ్యాయామం చేస్తే వారంలో మీరు 5 కిలోలు లేదా అంతకంటే ఎక్కువగా బరువు తగ్గే అవకాశం ఉంటుంది.
