మీ ప్రశ్న ఆలోచింపచేసేదే.. మీ ప్రశ్నను రెండు భాగాలుగా అనుకుని , మొదటగా instant నూడుల్స్ గురించి మాట్లాడదాము.. నిజానికి నూడుల్స్, మ్యాగీ, రెండూ ఒకటి కాదండీ.. మ్యాగీ అనేది instant noodles అనే విభాగానికి చెందినవి.. వేడి నీటిలో వీటిని వేసేసి, వాడు ఇచ్చిన మసాలాలు కలిపిస్తే తినేయొచ్చు, మహా అయితే 10 నిమిషాల్లో నూడుల్స్ అనేవి తినేయొచ్చు.. కానీ ఈ instant noodles దీర్ఘ కాలంలో ఆరోగ్యానికి హాని చేస్తాయి. అందుకుగల కారణాలు క్లుప్తంగా.. మీరు 100 గ్రాముల నూడుల్స్ తీసుకుంటే, అందులో సోడియం(ఉప్పు) పరిమాణం 397 – 3678 మిల్లీగ్రాముల వరకూ ఉండొచ్చుట.. ఆ స్థాయిలో ఉప్పు తీసుకోవడం వల్ల శరీరానికి తీవ్ర సమస్యలు వస్తాయి, అవి ఉదర క్యాన్సర్ కావొచ్చు, లేదంటే గుండె జబ్బులు, పక్షవాతం .. ఉప్పు తీసుకుంటే బీపీ కి మంచిది కాదని వైద్యులు తరచుగా చెప్పేదే కదా.. దీనితో పాటు కిడ్నీల కి కూడా సమస్యే..
మీరు మ్యాగీ నే కనుక తీసుకుంటే వాడు మనకి ఒక మసాలా పొట్లం ఇస్తాడు చూసారూ , దానిలో monosodium glutamate (MSG) అనే ఒక రకమైన రసాయనం ఉంటుంది.. ఇది రుచిని పెంచడానికి ఉపయోగపడుతుంది.. వీటివల్ల అనేక స్వల్ప కాలిక , దీర్ఘకాలిక ఆరోగ్య సమస్యలు వస్తాయని చెప్తున్నారు.. వాటిలో కొన్ని దరిద్రాలు.. తలనొప్పి, వికారం, అధిక రక్తపోటు, కండరాలు బిగుసుకుపోవడం, గుండె కొట్టుకోవడంతో తేడాలు.. ఈ మ్యాగీలో వాటిలో ఉన్న ఒకే ఒక మంచి పెద్దగా కెలోరీలు ఉండకపోవడం.. కానీ శరీరానికి అవసరమైన పీచు,ప్రోటీన్ కూడా ఉండవు.. కెలోరీలు తక్కువని బరువు తగ్గిపోవచ్చు ఈ చెత్త అంతా రోజూ తినేస్తే, ప్రోటీన్, ఫైబర్ శరీరానికి అందక మళ్ళీ మరొక రకమైన ఆరోగ్య సమస్యని కొని తెచ్చుకున్నట్లే..
ఇప్పుడు మీ ప్రశ్నలో రెండో భాగం.. చైనా, జపాన్ వారు నూడుల్స్ అవీ భేషుగ్గా తినేసి 100 ఏళ్ళు ఎలా బ్రతికేస్తున్నారనే కదా! నిజానికి చైనా, జపాన్ , కొరియా వంటి దేశాల్లో తినేవి మనం తినే చెత్త instant నూడుల్స్ కావు.. ఉదాహరణకు దక్షిణ చైనా లో bamboo pole pressed noodles అని చేస్తారుట.. వారి దేశంలో 100 ఏళ్లకు పైగా ఈ రకమైన నూడుల్స్ చేస్తున్నారు.. అసలు ఆ నూడుల్స్ చేసే విధానం చూస్తేనే దిమ్మ తిరిగిపోతుంది.. గోధుమ పిండిలో(మ్యాగీ లో వాడేది మైదా) నీటికి బదులు బాతు గుడ్ల సొన కలిపి , వెదురు బొంగులతో గంటల కొద్దీ ఒత్తి తయారు చేస్తారు.. వీటిలో ఆరోగ్య పదార్ధాలు ఎక్కడ ఉన్నాయి చెప్పండి ? ఇలా మంచి పదార్ధాలతో చేసిన నూడుల్స్ చైనీయులు ఆహారంగా తీసుకుంటారు.. వీటితో పాటు ఖచ్చితంగా వారి ఆహారంలో సలాడ్స్, సూప్స్ ఉండాల్సిందే.. వారి వాతావరణ పరిస్థితుల దృష్ట్యా, ఎక్కువగా మాంసాహారానికి ప్రాధాన్యత ఇస్తారు, బాతు, కోడి, పంది, గొడ్డు మాంసం ఇలా దేనిని వదిలిపెట్టరు .. కాబట్టి వారి శరీరానికి అందే పోషక పదార్ధాల కి లోటు లేనే లేదు..
అంతే కాదు, చైనీయుల‌కి తిండి విషయంలో మొహమాటం ఉండదు , కడుపు నిండే వరకూ తింటారు. ఎక్కువ శాతం మంది, వ్యవసాయం (40% మంది), ఇంకా పరిశ్రమల్లో పని చేస్తారు, కాబట్టి శారీరకంగా దృఢంగా ఉంటారు.. మొత్తంగా చెప్పాలంటే చైనీయులు తీసుకునే ఆహరం,వారి కష్టించే తత్త్వం వల్ల శతాయిష్కులుగా జీవిస్తారు అని చెప్పుకోవచ్చు..
