సాధారణంగా గుడ్డును సంపూర్ణ ఆహారం అంటారు. రోజుకు ఒక్క గుడ్డైనా సరే తినాలంటారు. అయితే, గుడ్డు తినే విషయంలో చాలా మంది ఒక తప్పు చేస్తారు. ఇంతకీ ఆ తప్పు ఏంటి..? అస్సలు గుడ్డు ఎలా తింటే ఆరోగ్యానికి మంచిది..? అనే విషయాలు ఇక్కడ తెలుసుకుందాం.
మనలో చాలా మందికి గుడ్లు అంటే ఇష్టం. చాలా మంది బ్రేక్‌ఫాస్ట్‌లో గుడ్డును ఎక్కువగా తీసుకుంటారు. గుడ్డులో ప్రొటీన్లు పుష్కలంగా ఉండటంలో ఫిట్‌నెస్ ప్రియులు దీనిని ఎక్కువ తినడానికి ఇష్టపడుతున్నారు. కొంతమంది దీనిని పచ్చిగా తింటారు. మరికొందరు ఆమ్లెట్ వేసుకుని తింటారు. అయితే ఉడికించిన గుడ్లు ఆరోగ్యానికి మరింత మేలు చేస్తాయి. బ్యాచిలర్స్ అయితే గుడ్డు మీద రకరకాల ప్రయోగాలు చేస్తుంటారు. బ్యాచిలర్స్ గుడ్డుతోనే ఎక్కువ కూరలు చేసుకుంటూ ఉంటారు. గుడ్డులో అనేక పోషకాలు ఉంటాయి. అయితే, గుడ్డు తినే విషయంలో చాలా మంది ఒక తప్పు చేస్తారు. ఇంతకీ ఆ తప్పు ఏంటి..? అస్సలు గుడ్డు ఎలా తింటే ఆరోగ్యానికి మంచిది..? అనే విషయాలు ఇక్కడ తెలుసుకుందాం.
సాధారణంగా గుడ్డును సంపూర్ణ ఆహారం అంటారు. రోజుకు ఒక్క గుడ్డైనా సరే తినాలంటారు. గుడ్డులో అధిక మోతాదులో పోషకాలు ఉంటాయి. ప్రోటీన్లు, విటమిన్లు, సెలెనియం, ఐరన్ వంటి ఖనిజాలు గుడ్డులో లభిస్తాయి. గుడ్లు తినడం వల్ల ఎముకలు బలంగా మారతాయి. గుండె ఆరోగ్యానికి మంచిది. చర్మ, జుట్టు సంరక్షణలో కీలకపాత్ర పోషిస్తుంది. ఇలా చెప్పుకుంటే పోతే బోలెడు ప్రయోజనాలు గుడ్డు తినడం వల్ల శరీరానికి అందుతాయి. అయితే, గుడ్డు తినేటప్పుడు చాలా మంది పచ్చ సొన తినరు. దానిని పడేస్తారు. కేవలం తెల్ల సొన మాత్రమే తింటారు. ఇదే మీరు చేసే అతి పెద్ద తప్పు. ఎందుకో ఓ లుక్కేద్దాం.
విటమిన్లు, మినరల్స్, లిపిడ్లు గుడ్డులోని పచ్చసొనలో ఉంటాయి. అయితే గుడ్డులోని తెల్లసొనలో దాదాపు 87% నీరు, 10% ప్రోటీన్లు ఉంటాయి. మీరు పచ్చసొనను పక్కన పెట్టి.. గుడ్డులోని తెల్లసొనను మాత్రమే తింటే.. పోషక విలువలు గణనీయంగా మారతాయి. గుడ్లలోని ప్రోటీన్లు వివిధ భాగాలలో చాలా సమానంగా పంపిణీ చేయబడతాయని పరిశోధనలు చెబుతున్నాయి. అయితే, గుడ్డులోని తెల్లసొనలో ప్రొటీన్లు ఎక్కువగా ఉంటాయి. కేలరీలు తక్కువగా ఉంటాయి. రెండు తినడం వల్ల శరీరానికి మేలు జరుగుతుంది.
గుండె సంబంధిత వ్యాధులు ఉన్నవారికి గుడ్డులోని తెల్లసొన ఎంతో మేలు చేస్తుంది. ఈ భాగం అధిక మోతాదులో శరీరానికి ప్రోటీన్ అందిస్తుంది. కానీ కొలెస్ట్రాల్ పెరగదు. గుడ్డు తెల్ల సొనలో అనేక రకాల అమైనో ఆమ్లాలను కలిగి ఉంటుంది. ఇది కండరాల పనితీరు మెరుగుపరుస్తుంది. కండరాల్ని బలంగా మార్చడంలో గుడ్డు తెల్ల సొన ఉపయోగపడుతుంది. గుడ్డు పచ్చసొనలో కెరోటినాయిడ్స్, లుటిన్, జియాక్సంతిన్ ఉంటాయి. ఇవి కండరాల్ని నిర్మించడంలో , శరీరంలో బయోటిన్ వంటి సమ్మేళనాలను ప్రోత్సహించడంలో సమర్థవంతంగా ఉపయోగపడుతుంది. బరువు తక్కువ ఉన్నవారికి గుడ్డు పచ్చ సొన చాలా మేలు చేస్తుంది. అంతేకాకుండా చర్మ సంరక్షణ, జుట్టుకు బలాన్ని ఇస్తుంది. గుడ్డులోని పచ్చసొన శరీరంలో ప్రొటీన్ లోపం వల్ల కలిగే సమస్యలను దూరం చేస్తుంది.
గుడ్డు పచ్చసొన లేదా గుడ్డులోని తెల్లసొన రెండు కూడా శరీరానికి మేలు చేస్తారు. అయితే చాలా మంది గుడ్డు పచ్చసొన ఆరోగ్యానికి హాని చేస్తుందని భావిస్తారు. దీంతో.. దానిని తినడానికి ఇష్టపడరు. గుడ్డు పచ్చసొన కొలెస్ట్రాల్‌ను పెంచుతుందని వారి నమ్మకం. చాలా మంది గుడ్డు పచ్చసొన తినకపోవడానికి ఇదే కారణం. అందుకే గుడ్డు తెల్లసొనతో పాటు పచ్చ సొన కూడా తినాలి. అందుకే గుడ్డు మొత్తం తినడం ద్వారా, శరీరానికి సమతులమైన ప్రోటీన్లు, విటమిన్లు, ఖనిజాలు అందుతాయి.
