చార్లీ చాప్లిన్ కళాకారుడు. ఇతను అనేక కలల్లో నిష్ణాతుడు. తెరపైన అమాయకుడిలా కనిపించే చాప్లిన్ నిజానికి మంచి రచయిత, అందగాడు, గాయకుడు కూడా. యుద్ధాన్ని నిరంతరం విమర్శించే శాంతిప్రియుడు. ఛార్లీ చాప్లిన్ దయార్థ్ర హృదయుడు. అందానికి ఆరాధకుడు. ఒక్క మాటలో చెప్పాలంటే అతను ప్రపంచాద్భుతాల్లో ఒకడు. ఆయ‌న త‌న జీవితంలో ఎంతో అనుభ‌వం గ‌డించాడు. ఈ క్ర‌మంలోనే ఆయ‌న చెప్పిన కొన్ని ముఖ్య‌మైన సూత్రాల‌ను, విష‌యాల‌ను ఇప్పుడు తెలుసుకుందాం.
ఎవరికైనా కీడు చేయాలన్నప్పుడే మాత్రమే మనకు శక్తి కావాలి, లేకపోతే ప్రేమ చాలు. ఏ రోజు మనం నవ్వలేదో ఆ రోజు వృథా అయినట్టే. అద్దమే నా మంచి మిత్రుడు. ఎందుకంటే నేను ఏడ్చినప్పుడు అది తిరిగి నవ్వదు కనుక. నా బాధ ఒకరిని నవ్వించినా ఫర్వాలేదు, కానీ నా నవ్వు ఒకరిని బాధించరాదు. నువ్వు మనస్ఫూర్తిగా నవ్వాలంటే, ముందు నీ బాధతో నువ్వు ఆడుకోవాలి. దూరానికి ఆనందంగానూ, దగ్గరికి విషాదంగానూ కనిపించేదే జీవితం. కొన్నిసార్లు మనం చాలా ఆలోచిస్తాం. కానీ ఆస్వాదించేది కొంచెమే. ఈ ప్రపంచంలో ఏదీ శాశ్వతం కాదు. మన కష్టాలు కూడా!!! కింద చూస్తూ ఉంటే ఇంద్రధనుస్సుని చూడలేవు. నాకు వర్షంలో నడవడం ఇష్టం, ఎందుకంటే నా కన్నీళ్ళు ఎవరూ చూడలేరు కదా!
జీవితం అంటే నీ దగ్గర ఉన్న వాటితో ఆనందంగా ఉండటం… నవ్వుతూ ఉండు. నీకు ఒత్తిడిగా అనిపిస్తే, నీకు ఇష్టమైన వాళ్ళతో ఉండు, మిఠాయిలు తిను. నీ కష్టాన్ని చూసి ఒకరు నవ్వితే నవ్వనీ ఫర్వాలేదు… కానీ ఒకరి కష్టాన్ని చూసి నువ్వు నవ్వకు. ఒక వేళ నువ్వు నవ్వితే, జీవితం చాలా విలువైనదని తెలుసుకుంటావు.
