ప్రస్తుతం అందరి జీవన ప్రమాణం.. చాలా బిజీ… బిజీ గా ఉంది. ఎప్పుడు ఎలాంటి ప్రమాదాలు, సంఘటనలు జరుగుతాయో తెలీదు. అలాగే.. ఎవరూ ఎలాంటి వారో అస్సలు తెలీదు. ఇలాంటి సమయంలో.. ఇతరులను నమ్మే ముందు చాలా జాగ్రత్తగా ఉండాల్సిన అవసరం ఉంది. అయితే.. ఈ కాలంలో ఎదుటి వాడిని నమ్మాలంటే ఈ 4 సూత్రాలు గుర్తించుకోవాలి. చరిత్ర – మనిషి యొక్క చరిత్ర ముఖ్యం. చరిత్ర లేని వాడి ఇంట్లో కూర్చోవడం యోగ్యుడి లక్షణం కాదు. కాబట్టి చరిత్ర తెలిసిన వారితో ప్రయాణం కొనసాగించాలి.
లక్షణాలు పరీక్షించడం – కోపం, సోమరితనం, అసూయ, అహంకారం, అబద్దాలు చెప్పడం అలవాటు ఉన్న వ్యక్తులను నమ్మకూడదు. ప్రశాంతంగా.. గంభీరంగా ఉండి సత్యం పలికే వారిని మాత్రమే నమ్మాలి.
కర్మ – మత మార్గాన్ని అనుసరించి.. ఇతరులకు సాయం చేయడం ద్వారా.. డబ్బులు సంపాదించే వారిని విశ్వసించవచ్చు. కానీ తప్పుడు మార్గంలో డబ్బులు సంపాదించేవాన్ని నమ్మొద్దు.
పరిత్యాగ స్ఫూర్తిని చూడటం – ఎదుటి వారిలో ఎంత త్యాగ గుణం ఉందో చూడటం. ఎదుటివారి సంతోషం కోసం ఎంతటి త్యాగానికైనా సిద్దమైతే ఇతరుల బాధలను అర్థం చేసుకోగలిగే సామర్థ్యం ఉంటే అలాంటి వ్యక్తిని నమ్మువచ్చు.
