Ketika Sharma : సినీ ఇండస్ట్రీలో తొలి సినిమా హిట్ కాకపోయినా ఫర్వాలేదు. తరువాత సినిమాలు హిట్ అయినా.. ఏదో ఒక విధంగా ఇండస్ట్రీలో కొనసాగవచ్చు. అయితే ఆరంభంలోనే వరుస ఫ్లాప్లు వస్తే మాత్రం.. ఇండస్ట్రీలో అసలు కొనసాగే అవకాశం ఉండదు. దీంతోపాటు ఐరన్ లెగ్ అనే ముద్ర కూడా వేస్తారు. ఏ దర్శక నిర్మాత కూడా సినిమాల్లోకి తీసుకునే సాహసం చేయరు. దీంతో ఒక రకంగా కెరీర్ క్లోజ్ అయినట్లే అవుతుంది. అందుకనే ఆరంభంలో సినిమాల్లో నటించేవారు ఎలాగైనా సరే హిట్ కొట్టాలని చూస్తుంటారు. హిట్ రాకపోతే ఇక అంతే సంగతులు. ఆరంభంలో కెరీర్ ముగించాల్సి వస్తుంది. అయితే ప్రస్తుతం హీరోయిన్ కేతిక శర్మ కూడా ఇలాగే టెన్షన్ పడుతూ ఆందోళనలో ఉందట.
కేతిక శర్మ రొమాంటిక్ మూవీతో తెలుగు తెరకు పరిచయం అయింది. ఈ మూవీలో దర్శకుడు పూరీ జగన్నాథ్ తనయుడు ఆకాష్ పూరీ హీరోగా నటించాడు. ఈ మూవీ ఫ్లాప్ కావడంతో తరువాత వచ్చిన లక్ష్యపై కేతిక శర్మ ఆశలు పెట్టుకుంది. అందులో నాగ శౌర్య హీరోగా నటించాడు. ఈ మూవీ కూడా బాక్సాఫీస్ వద్ద డిజాస్టర్ టాక్ను సొంతం చేసుకుంది. దీంతో కేతిక శర్మ ఇప్పుడు ఇంకో మూవీపై ఆశలు పెట్టుకోవాల్సి వచ్చింది. ప్రస్తుతం ఈమె మెగా హీరో వైష్ణవ్ తేజ్ తో కలిసి రంగ రంగ వైభవంగా అనే సినిమాలో నటిస్తోంది. ఈ మూవీ మే 27న ప్రేక్షకుల ముందుకు రానుంది.
అయితే రంగ రంగ వైభవంగా మూవీ ఫ్లాప్ అయితే మాత్రం కేతిక శర్మకు కష్టాలు వస్తాయని చెప్పడంలో ఎలాంటి సందేహం లేదు. మూడు సినిమాలు వరుసగా ఫ్లాప్ అయితే అలాంటి హీరోలు లేదా హీరోయిన్ల వంక ఎవరూ చూడరు. దీంతో సినిమా ఇండస్ట్రీకి గుడ్ బై చెప్పాల్సిన పరిస్థితి వస్తుంది. అందుకనే కేతిక శర్మ ఆందోళనలో ఉన్నట్లు తెలుస్తోంది. మరి ఈ మూవీ అయినా ఆమెకు హిట్ను అందిస్తుందో.. లేదో.. చూడాలి.
