తాటిముంజలు వీటిని ఐస్ ఆపిల్ అని కూడా అంటారు. ఇది వేసవి కాలంలో లభించే ఒక పండు. దీనిని వేసవి సూపర్ ఫుడ్ అని అంటారు. ఈ తాటిముంజలు బయటి నుండి కొబ్బరిలా ఉండటమే కాకుండా ఆరోగ్యానికి కూడా అంతే ప్రయోజనకరంగా ఉంటాయి. మండే వేసవిలో మన ఆరోగ్యాన్ని కాపాడడానికి ప్రకృతి ప్రసాదించిన వాటిల్లో తాటిముంజలు చాలా ప్రత్యేకమైనవి. పిల్లలు, పెద్దలు వయసుతో సంబందం లేకుండా వీటిని అందరూ ఎంతో ఇష్టంగా తింటారు. ఇవి కల్తీలేనివి అలాగే స్వచ్చమైనవి. తాటి ముంజల్లో ఫైబర్, విటమిన్ ఎ, విటమిన్ కె వంటి పోషకాలు పుష్కలంగా ఉంటాయి. మీరు వీటిని తిన్న వెంటనే మీ శరీరం వెంటనే హైడ్రేట్ అవుతుంది. మీ కడుపు చల్లబడుతుంది. తాటి ముంజలు శరీర ఉష్ణోగ్రతను తగ్గించి శరీరాన్ని చల్లబరుస్తాయి.
తాటి ముంజల్లో పొటాషియం సమృద్ధిగా ఉండడం వలన గుండె ఆరోగ్యానికి సహాయపడతాయి. శరీరంలోని హానికర వ్యర్థ పదార్థాలను తొలగించడంలో అద్భుతంగా పని చేస్తాయి. తాటిముంజలను రోజూ క్రమం తప్పకుండా తీసుకోవడం వల్ల లివర్ సంబంధిత సమస్యలను తగ్గించుకోవచ్చు. వీటిని తినడం వలన చెడు కొలస్ట్రాల్ పోయి మంచి కొలస్ట్రాల్ వృద్ధి చెందుతుంది. వేసవిలో వీటిని తీసుకోవడం వల్ల వికారం, వాంతులను నివారిస్తాయి. మహిళల్లో రొమ్ము క్యాన్సర్ వచ్చే అవకాశాలను కూడా బాగా తగ్గిస్తాయి. వేసవి కాలంలో తాటిముంజలు మీ కడుపును ఆరోగ్యంగా ఉండేలా చేస్తాయి. ఇది తక్షణమే మీ కడుపుకు చల్లదనాన్ని అందిస్తుంది. దీన్ని తినడం వల్ల మీ జీర్ణవ్యవస్థ బలపడుతుంది. మలబద్ధకం, అజీర్ణం, గ్యాస్ సమస్యల నుండి ఉపశమనం లభిస్తుంది.
రోగనిరోధక శక్తిని పెంచుతుంది: బలహీనమైన రోగనిరోధక వ్యవస్థ కారణంగా ప్రజలు చాలా త్వరగా అంటు వ్యాధులకు గురవుతారు. కాబట్టి, మీ రోగనిరోధక శక్తిని పెంచడానికి మీరు విటమిన్ సి అధికంగా ఉండే ఈ తాటిముంజలను తినవచ్చు. బలహీనమైన జీవక్రియ కారణంగా, ప్రజలు అధిక బరువు పెరుగుతారు. అలాగే ఊబకాయానికి గురవుతారు. అయితే, ఫైబర్ అధికంగా ఉండే ఈ పండును తీసుకోవడం వల్ల జీవక్రియ వేగంగా పెరుగుతుంది. అలాగే, దీన్ని తినడం వల్ల మీకు ఎక్కువసేపు ఆకలిగా అనిపించదు. మధుమేహ రోగులకు తాటిముంజలు ప్రయోజనకరంగా ఉంటాయి. ఇది తక్కువ గ్లైసెమిక్ సూచికను కలిగి ఉంటుంది. ఇది చక్కెరను నియంత్రిస్తుంది. తాటి ముంజల గుజ్జును ముఖానికి పైపూతలా వేసుకుంటే చర్మం ప్రకాశవంతంగా ఉంటుంది. ఇది చర్మానికి కావల్సినంత తేమను అందిస్తుంది.
