Mahabeera Seeds : నేటి త‌రుణంలో మ‌న‌లో చాలా మంది కీళ్ల నొప్పులు, మోకాళ్ల నొప్పులు, కీళ్ల మ‌ధ్య గుజ్జు అరిగిపోవ‌డం వంటి వివిధ ర‌కాల స‌మ‌స్య‌ల చేత తీవ్రంగా బాధించ‌బ‌డుతున్నారు. మారిన మ‌న జీవ‌న విధానం, ఆహార‌పు అల‌వాట్లే ఈ స‌మ‌స్య‌ల బారిన ప‌డ‌డానికి ప్ర‌ధాన కారణం. ఇటువంటి స‌మ‌స్య‌లు త‌లెత్త‌గానే చాలా మంది పెయిన్ కిల్ల‌ర్ ల‌ను, మందుల‌ను వాడుతూ ఉంటారు. వాటిని వాడ‌డం వ‌ల్ల నొప్పుల నుండి తాత్కాలిక ఉప‌శ‌మ‌నం క‌లుగుతుంది. మ‌ర‌లా నొప్పులు తిర‌గ‌బ‌డి తీవ్రంగా బాధిస్తాయి. మందుల‌ను వాడే అవ‌స‌రం లేకుండా అలాగే ఎలాంటి దుష్ప్ర‌భావాలు లేని ఒక చ‌క్క‌టి ఆయుర్వేద చిట్కాను వాడ‌డం వ‌ల్ల చాలా సుల‌భంగా మ‌నం కీళ్ల నొప్పుల‌ను త‌గ్గించుకోవ‌చ్చు.
ఈ చిట్కాను వాడ‌డం చాలా సుల‌భం. కీళ్ల నొప్పుల‌ను, మోకాళ్ల నొప్పుల‌ను త‌గ్గించే ఈ ఆయుర్వేద చిట్కా ఏమిటి..అన్న వివ‌రాల‌ను ఇప్పుడు తెలుసుకుందాం. కీళ్ల నొప్పుల‌ను త‌గ్గించ‌డంలో మ‌న‌కు మ‌హా బీరా విత్త‌నాలు ఎంత‌గానో స‌హాయ‌ప‌డ‌తాయి. ఇవి మ‌న‌కు ఆన్ లైన్ లో అలాగే కిరాణ షాపుల్లో సుల‌భంగా ల‌భిస్తాయి. వీటిని వాడ‌డం వ‌ల్ల కీళ్ల నొప్పులు, మోకాళ్ల నొప్పులు చాలా సుల‌భంగా త‌గ్గిపోతాయి. కీళ్ల మ‌ధ్య గుజ్జు తిరిగి త‌యార‌వుతుంది. ఈ విత్త‌నాల‌లో జింక్, క్యాల్షియం, విటమిన్ డి వంటి పోష‌కాలు ఎన్నో ఉంటాయి. వీటిని తీసుకోవ‌డం వ‌ల్ల మ‌న ఆరోగ్యానికి ఎంతో మేలు క‌లుగుతుంది. అయితే ఈ మ‌హా బీర విత్త‌నాల‌ను ఎలా తీసుకోవాలో ఇప్పుడు తెలుసుకుందాం.
వీటిని రోజూ రాత్రి ప‌డుకునే ముందు ఒక గ్లాస్ నీటిలో ఒక టీ స్పూన్ మోతాదులో వేసి నాన‌బెట్టాలి. ఉద‌యాన్నే ప‌ర‌గ‌డుపున ఈ నీటిని తాగి ఈ విత్త‌నాల‌ను న‌మిలి తినాలి. ఈ మ‌హా బీర విత్త‌నాలు కూడా నానిన త‌రువాత స‌బ్జా గింజ‌ల మాదిరి తెల్ల‌గా త‌యార‌వుతాయి. ఈ విధంగా మ‌హా బీర విత్త‌నాల‌ను నాన‌బెట్టి ప‌ర‌గ‌డుపున మూడ నెల‌ల పాటు తీసుకోవ‌డం వ‌ల్ల కీళ్ల నొప్పులు, మోకాళ్ల నొప్పులు తగ్గుతాయి. అలాగే వీటిని వాడ‌డం వ‌ల్ల ఎటువంటి దుష్ప్ర‌భావాలు కూడా ఉండ‌వ‌ని ఆయుర్వేద నిపుణులు చెబుతున్నారు.
