ఆ రోజు రాత్రి నేను నా సిస్టర్‌ ఒకే గదిలో ఉన్నాం. ఆమె తన బాయ్ ఫ్రెండ్‌తో ఫోన్‌లో మాట్లాడుతోంది. ఆ సమయంలో నేను ఇయర్‌ ఫోన్స్‌ పెట్టుకున్నా. కానీ నేను పాటలు ఏమీ వినడం లేదు. దీంతో ఆమె మాట్లాడే మాటలు నాకు క్లియర్‌గానే వినిపిస్తున్నాయి. అలా కొంత సేపు ఆమె మాట్లాడాక నేను ఇయర్‌ ఫోన్స్‌ పెట్టుకున్నానని చూసి నాకు ఏమీ వినబడదని ఆమె అనుకుంది. దాంతో ఆమె లౌడ్‌ స్పీకర్‌ ఆన్‌ చేసి తన బాయ్ ఫ్రెండ్‌తో మాట్లాడడం మొదలు పెట్టింది. దీంతో అవతలి పక్క నుంచి కూడా నాకు మాటలు క్లియర్‌గా వినిపిస్తున్నాయి.
వారిద్దరూ అలా చాలా సేపు ఫోన్‌లో మాట్లాడుకున్నారు. అనంతరం కొంతసేపు వారి మధ్య మాటలు లేవు. సైలెంట్‌గా ఉన్నారు. తరువాత నా సిస్టర్‌ తన బాయ్ ఫ్రెండ్‌తో మాట్లాడేందుకు యత్నించింది. రెండు, మూడు మాటలు మాట్లాడింది. అటు నుంచి స్పందన లేదు. మళ్లీ రెండు, మూడు మాటలు మాట్లాడింది. ఉన్నావా, మాట్లాడు అని అన్నది. అయినా అవతలి వైపు నుంచి మాటలు రాలేదు.
దీంతో నా సిస్టర్‌ మళ్లీ.. ఉన్నావా.. మాట్లాడు.. అంటూ మళ్లీ మళ్లీ మాట్లాడింది. అయినా అవతల ఉన్న తన బాయ్‌ఫ్రెండ్‌ మాట్లాడలేదు. ఈ క్రమంలో వారి సంభాషణ వింటున్న నాక్కూడా ఒకింత ఆశ్చర్యం, ఆందోళన కలిగాయి. అవతలి వ్యక్తికి ఏమై ఉంటుందోనని నాకు అనిపించింది. అయితే అవతలి నుంచి మాటలు లేకపోయే సరికి నా సిస్టర్‌ కాల్‌ కట్‌ చేసింది. తరువాత 15 నిమిషాలకు అనుకుంటా.. మళ్లీ అతనే కాల్‌ చేశాడు. సారీ నిద్రపోయా.. అన్నాడు. అది విని నాకు నవ్వాగలేదు. అంతసేపు తాను నిద్రపోయిన వ్యక్తితో మాట్లాడుతున్నానని నా సిస్టర్‌కు అనిపించలేదు. దీంతో నాకు నవ్వు వచ్చింది..!
