క్రికెట్ ఆటలో సహజంగానే ఎవరైనా సున్నా పరుగులు చేసి అవుట్ అయితే డకౌట్ అయ్యారని అంటాం. అయితే క్రికెట్కు, డక్ కు అంటే బాతుకు సంబంధం ఏమిటి..? ఈ పదాన్ని అసలు ఎప్పుడు ఎలా వాడడం మొదలు పెట్టారు..? దీని వెనుక ఉన్న అసలు విషయాలు ఏమిటి.. అన్న వివరాలను ఇప్పుడు తెలుసుకుందాం.
1886లో వేల్స్ యువరాజు ఓ క్రికెట్ మ్యాచ్లో బ్యాటింగ్ చేస్తూ సున్న ( 0 ) కే ఔట్ అయ్యాడు. అప్పుడు ఓ స్థానిక పత్రిక ఈ వార్తను ప్రచురిస్తూ… వేల్స్ చేసిన 0 ను బాతు గుడ్డుతో పోల్చుతూ వార్త రాసింది. ఎందుకంటే బాతుగుడ్డు 0 లాగా గుండ్రంగా ఉంటుంది. అక్కడి నుండి 0 ను డక్ ఔట్ అనడం ప్రారంభమైంది. వార్తా పత్రికలో రావడంతో అది త్వరగా వ్యాప్తిలోకి వచ్చింది.
డక్ ఔట్ లకు వివిధ పేర్లు కూడా ఉన్నాయి. ప్లేయర్ తాను ఆడిన మొదటి బంతికే అవుట్ అయితే దాన్ని గోల్డెన్ డక్ అంటారు. అలాగే పరుగులు ఏమీ చేయకుండానే రెండు, మూడు బాల్స్కు అవుట్ అయితే వాటిని సిల్వర్, బ్రాంజ్ డక్స్ అని పిలుస్తారు. ఇక మ్యాచ్లో బాల్స్ను ఆడకుండా, పరుగులు చేయకుండా ఔట్ (రన్ అవుట్) అయితే దాన్ని డైమండ్ డక్ అని పిలుస్తారు. అలాగే బ్యాట్స్మెన్ తాను మ్యాచ్లో ఆడే మొదటి బాల్ లేదా, ఆ సీజన్కు ఆ బ్యాట్స్మెన్ టీం ఆడే మొదటి మ్యాచ్ మొదటి బాల్కు బ్యాట్స్మెన్ అవుట్ అయితే దాన్ని పల్లాడియం డక్ అంటారు.
