మానవ జీవితానికి చెట్లు మరియు మొక్కలు చాలా ముఖ్యమైనవి. ఇవి లేకుండా మానవ జీవితం సాధ్యం కాదు. వాస్తు శాస్త్రంలో కూడా వాటి ప్రాముఖ్యతను ప్రస్తావించారు. చాలా మొక్కలు ఇంటికి శుభప్రదం. ఈ మొక్కలను నాటడం వల్ల లక్ష్మీదేవి ప్రసన్నం అవుతుంది. ఇప్పుడు మనం చెప్పుకోబోయే రెండు మొక్కలని జంటగా నాటడం ఇంటికి చాలా శుభప్రదం. లక్ష్మీ కమల్ , విష్ణు కమల్ ఇవి రెండూ వేర్వేరు రకాల మొక్కలు, కానీ వాటిని జంటగా నాటడం వల్ల ఇంట్లో చాలా సమస్యలు పరిష్కరించబడతాయి. ఈ రెండూ తక్కువ నీరు ఉన్న ప్రదేశాలలో మరియు పర్వతాలలో కనిపిస్తాయి. లక్ష్మీ కమలం ఆకుపచ్చ రంగులో ఉంటుంది. విష్ణు కమలం ఆకుల రంగు మారుతూ ఉంటుంది.
ఈ రెండిని కలిపి ఇంట్లో నాటితే మీకు ఎలాంటి ఆర్ధిక సమస్యలు ఉండవట. అన్ని ఆర్ధిక సమస్యలు తొలగిపోతాయని వాస్తు శాస్త్రంలో చెప్పడం జరిగింది. జ్యోతిషశాస్త్రం ప్రకారం మొక్కలను విధిగా నాటడం వల్ల అదృష్టం వరిస్తుందని నమ్ముతారు. అంతేకాకుండా జీవితంలో ఎదురయ్యే సమస్యలను సానుకూల శక్తి ద్వారా అధిగమించవచ్చని చెబుతారు. ఈ సానుకూల శక్తిని మొక్కల ద్వారా ఉత్పత్తి అవుతుంది. వాటిని నాటితే అద్భుత ప్రయోజనాలు ఉన్నాయని పండితులు అంటున్నారు. జ్యోతిషశాస్త్రం ప్రకారం ప్రజల జీవితాల్లో తీవ్రమైన సంక్షోభం ఎదుర్కొన్నట్లయితే 5 మోదుగ చెట్లను నాటాలి అని కూడా అంటారు. అవి కూడా రోడ్డుకిరువైపులా నాటితే మంచిది.
ఒకవేళ కుదరకపోతే పొలంలో నాటితే మంచిదని గుర్తుంచుకోండి. ఇంట్లో లేదా ఇంటి చుట్టూ ఎప్పుడూ వీటిని నాటకూడదనే విషయాన్ని గుర్తుంచుకోవాలి. ఐదు మోదుగ చెట్లను నాటడం ద్వారా జాతకులకు 10 రెట్లు అధికంగా పుణ్యాన్ని పొందుతారని విశ్వసిస్తారు.ఎవరైనా వ్యక్తి జాతకంలో అంగారక దోషమున్నట్లయితే వారు 2 పారిజాత మొక్కలను నాటడం ఉత్తమమని చెబుతారు. ఇలా చేయడం ద్వారా హనుమంతుడు సంతోషిస్తారని నమ్ముతారు. ఫలితంగా అంగారక దోషం తొలగి శుభకరంగా ఉంటుంది. ఈ రెండు పారిజాత మొక్కలను హనుంతుడి ఆలయంలో ఎక్కడైనా నాటాలి. ఇలా చేయడం ద్వారా ఆ వ్యక్తికి స్వర్ణదానం చేసినంత పుణ్యం కలుగుతుందని పండితులు అంటున్నారు.
