Hebah Patel : కుమారి 21ఎఫ్ చిత్రం ద్వారా తెలుగు తెర‌కు ప‌రిచ‌యం అయింది హెబా పటేల్. ఆ త‌రువాత అనేక చిత్రాల్లో ఈమెకు ఆఫ‌ర్లు వ‌చ్చాయి. అయితే వాటిలో కేవ‌లం కొన్ని మాత్ర‌మే హిట్ అయ్యాయి. ఇక ఈ మ‌ధ్య కాలంలో ఈమెకు పెద్ద‌గా ఆఫ‌ర్లు లేవు. కానీ సోష‌ల్ మీడియాలో మాత్రం యాక్టివ్‌గానే ఉంటోంది. ఎప్ప‌టిక‌ప్పుడు గ్లామ‌ర‌స్ ఫొటోల‌ను షేర్ చేస్తూ ఆక‌ట్టుకుంటోంది.
కాగా సోష‌ల్ మీడియాలో యాక్టివ్‌గా ఉండే హెబా పటేల్ తాజాగా ఇన్‌స్టాగ్రామ్ వేదిక‌గా లైవ్‌లో త‌న అభిమానుల‌తో కాసేపు ముచ్చ‌టించింది. వారు అడిగిన ప్ర‌శ్న‌ల‌కు ఆమె స‌మాధానాలు చెప్పింది. ఈ క్ర‌మంలోనే ఒక అభిమాని.. హెబా అస‌లు వ‌య‌సెంతో చెప్పాలని అడిగాడు. అయితే అందుకు హెబా స్ట్రాంగ్‌గా రిప్లై ఇచ్చింది.
మీ వ‌య‌సెంత అని అడిగిన ప్ర‌శ్న‌కు హెబా మాట్లాడుతూ.. నాలోని జ్ఞానానికి సరిపోయే వయసుకు చేరుకున్నా.. అని బ‌దులు చెప్పింది. అంతేకానీ త‌న అస‌లు వ‌య‌సెంతో చెప్ప‌లేదు. ఇక మీ అందానికి ర‌హ‌స్యం ఏంట‌ని.. ఇంకో నెటిజన్ అడ‌గ్గా.. అందుకు హెబా బ‌దులిస్తూ.. అది చాలా పెద్ద సీక్రెట్‌, బ‌య‌ట పెట్టొద్దు అనుకున్నా.. కానీ చెప్ప‌క త‌ప్ప‌డం లేదు, దేవుడు కొంతే ఇచ్చాడు, ఇంకొంత డాక్ట‌ర్ల సృష్టి.. అంటూ ఆస‌క్తిక‌ర‌మైన స‌మాధానం చెప్పింది. అంటే.. అందం కోసం ఆమె స‌ర్జ‌రీ చేయించుకున్న‌ట్లు స్ప‌ష్ట‌మైంది.
