Papaya Leaves Juice For Hair : మ‌న‌లో చాలా మంది తెల్ల జుట్టు స‌మ‌స్య‌తో బాధ‌ప‌డుతూ ఉంటారు. వ‌య‌సుతో సంబంధం లేకుండా అంద‌రూ ఈ సమస్య బారిన ప‌డుతూ ఉంటారు. పోష‌కాహార లోపం, వాతావ‌ర‌ణ కాలుష్యం, ఒత్తిడి, ఆందోళ‌న, ర‌సాయ‌నాలు క‌లిగిన షాంపుల‌ను వాడ‌డం, థైరాయిడ్, విట‌మిన్ బి 12 లోపం వంటి అనేక కార‌ణాల చేత తెల్ల జుట్టు సమస్య త‌లెత్తుతుంది. చాలా మంది తెల్ల జుట్టును న‌ల్ల‌గా మార్చుకోవ‌డానికి హెయిర్ డై ల‌ను, షాంపుల‌ను వాడుతూ ఉంటారు. వీటిని వాడ‌డం వ‌ల్ల జుట్టు న‌ల్ల‌బ‌డిన‌ప్ప‌టికి జుట్టు రాల‌డం, జుట్టు పొడి బార‌డం, అల‌ర్జీ, వివిధ ర‌కాల చ‌ర్మ సంబంధిత స‌మ‌స్య‌లు త‌లెత్తూ ఉంటాయి. హెయిర్ డై ల‌నే కాకుండా ఇంటి చిట్కాల‌ను ఉప‌యోగించి కూడా మ‌నం ఈ సమస్య నుండి బ‌య‌ట‌ప‌డ‌వ‌చ్చు.
అయితే కొన్ని ర‌కాల చిట్కాల‌ను పాటించ‌డం చాలా క‌ష్టంగా ఉంటుంది. వాటిని త‌యారు చేయ‌డం కూడా శ్ర‌మ‌తో కూడుకున్న ప‌ని. ఎటువంటి శ్ర‌మ లేకుండా చాలా సుల‌భంగా చ‌క్క‌టి చిట్కాను త‌యారు చేసుకుని వాడ‌డం వ‌ల్ల మ‌నం తెల్ల జుట్టును న‌ల్ల‌గా మార్చుకోవ‌చ్చు. తెల్ల జుట్టును న‌ల్ల‌గా మార్చే చిట్కా ఏమిటి… దీనిని ఎలా త‌యారు చేసుకోవాలి..త‌యారీకి కావ‌ల్సిన ప‌దార్థాలు ఏమిటి… అన్న వివ‌రాల‌ను ఇప్పుడు తెలుసుకుందాం. ఈ చిట్కాను త‌యారు చేసుకోవ‌డానికి గానూ మ‌నం రెండు బొప్పాయి చెట్టు ఆకుల‌ను, 5 బిర్యానీ ఆకుల‌ను, 5 ల‌వంగాల‌ను, ఒక టీ స్పూన్ కాఫీ పౌడ‌ర్ ను, త‌గినంత హెన్నా పౌడ‌ర్ ను ఉప‌యోగించాల్సి ఉంటుంది. ముందుగా బొప్పాయి ఆకుల‌ను శుభ్రంగా క‌డ‌గాలి.
త‌రువాత వాటిని ముక్క‌లుగా చేసి ఒక జార్ లోకి తీసుకోవాలి. త‌రువాత ఇందులో అర గ్లాస్ నీళ్లు పోసి మెత్త‌గా మిక్సీ ప‌ట్టుకోవాలి. త‌రువాత ఈ మిశ్ర‌మాన్ని వ‌డ‌క‌ట్టుకుని గిన్నెలోకి తీసుకోవాలి. త‌రువాత మ‌రో గిన్నెలోకి ఒక గ్లాస్ నీళ్లు, బిర్యానీ ఆకులు, ల‌వంగాలు, కాఫీ పౌడ‌ర్ వేసి మ‌రిగించాలి. వీటిని అర గ్లాస్ అయ్యే వ‌ర‌కు మ‌రిగించి వ‌డ‌క‌ట్టుకుని గిన్నెలోకి తీసుకోవాలి. ఇప్పుడు ఇనుప క‌ళాయి లేదా గిన్నెను తీసుకుని అందులో జుట్టుకు త‌గినంత హెన్నా పౌడ‌ర్ ను తీసుకోవాలి. త‌రువాత ఇందులో బొప్పాయి ఆకుల ర‌సం, అలాగే బిర్యానీ ఆకుల డికాష‌న్ ను వేస్తూ పేస్ట్ లా క‌లుపుకోవాలి. త‌రువాత దీనిపై మూత పెట్టి 5 గంట‌ల పాటు అలాగే ఉంచాలి. 5 గంట‌ల త‌రువాత ఈ పేస్ట్ ను మ‌రోసారి క‌లుపుకుని జుట్టు కుదుళ్ల నుండి జుట్టు చివ‌రి వ‌ర‌కు ప‌ట్టించాలి.
దీనిని ఒక గంట పాటు జుట్టుకు అలాగే ఉంచి ఆరిన త‌రువాత త‌ల‌స్నానం చేయాలి. ముందుగా షాంపు వాడ‌కుండా త‌ల‌స్నానం చేయాలి. మ‌రుస‌టి షాంపుతో త‌ల‌స్నానం చేయాలి. ఈ విధంగా ఈ చిట్కాను నెల‌కు రెండు సార్లు వాడ‌డం వ‌ల్ల తెల్ల జుట్టు న‌ల్ల‌గా మారుతుంది. అలాగే జుట్టు న‌ల్ల‌గా, ఒత్తుగా, ధృడంగా పెరుగుతుంది. అంతేకాకుండా జుట్టు రాల‌డం, చుండ్రు, జుట్టు చివ‌ర్లు చిట్ల‌డం వంటి స‌మ‌స్య‌లు కూడా త‌గ్గుతాయి. తెల్ల‌జుట్టు స‌మ‌స్య‌తో బాధ‌ప‌డే వారు ఈ చిట్కాను వాడ‌డం వ‌ల్ల చ‌క్క‌టి ఫ‌లితాల‌ను పొంద‌వ‌చ్చు.
