Green Chilli : మ‌నం ఆహారంగా తీసుకునే వంట‌కాల్లో ప‌చ్చిమిర్చి కూడా ఒక‌టి. ప‌చ్చిమిర్చిని మ‌నం విరివిగా వాడుతూ ఉంటాము. వంటల్లో ప‌చ్చిమిర్చిని వేయ‌డం వల్ల వంట‌ల‌కు ప్ర‌త్యేక‌మైన రుచి వ‌స్తుంది. అలాగే ప‌చ్చిమిర్చిని తీసుకోవ‌డం వల్ల మ‌న ఆరోగ్యానికి కూడా ఎంతో మేలు క‌లుగుతుంది. దీనిలో మ‌న ఆరోగ్యానికి మేలు చేసే ఎన్నో పోష‌కాలు ఉంటాయి. వంట‌ల‌కు రుచిని ఇవ్వ‌డంతో పాటు ప‌చ్చిమిర్చిని తీసుకోవ‌డం వల్ల ఎన్నో ఆరోగ్య ప్ర‌యోజ‌నాల‌ను కూడా పొంద‌వ‌చ్చు. అయితే ప‌చ్చిమిర్చిని మ‌న త‌గిన మోతాదులో మాత్రమే తీసుకోవాలి. మ‌న ఆరోగ్యానికి మేలు చేసిన‌ప్ప‌టికి వీటిని ఎక్కువ‌గా తీసుకోవ‌డం వల్ల మ‌నం వివిధ ర‌కాల అనారోగ్య స‌మ‌స్య‌ల బారిన ప‌డాల్సి వ‌స్తుంద‌ని నిపుణులు చెబుతున్నారు.
ప‌చ్చిమిర్చిని ఎక్కువ‌గా తీసుకోవ‌డం వల్ల మ‌న‌కు క‌లిగే దుష్ప్ర‌భావాల గురించి ఇప్పుడు తెలుసుకుందాం. ప‌చ్చిమిర‌ప‌కాయ‌ల‌ల్లో క్యాప్సైసిన్ అనే స‌మ్మేళ‌నం ఉంటుంది. వీటిని ఎక్కువ‌గా తీసుకోవ‌డం వల్ల ఈ స‌మ్మేళ‌నం కార‌ణంగా ప్రేగుల్ల‌లో నొప్పి వ‌చ్చే అవ‌కాశం ఉంది. అల‌గే ప‌చ్చిమిర్చిని ఎక్కువ‌గా తీసుకోవ‌డం వల్ల ర‌క్త‌పోటు పెరుగుతుంది. పొట్ట‌లో ఫోలిక్ యాసిడ్ స్థాయిలు పెరుగుతాయి. అంతేకాకుండా ప‌చ్చిమిర్చిని ఎక్కువ‌గా తీసుకోవ‌డం వల్ల శరీరంలో వేడి పెరుగుతుంది. నిద్ర‌లేమి స‌మ‌స్య త‌లెత్తుతుంది. మాన‌సికప‌ర‌మైన స‌మ‌స్య‌లు త‌లెత్తుతాయి. ఒత్తిడి, ఆందోళ‌న వంటివి మ‌రింత‌గా పెరుగుతాయి.
ప‌చ్చిమిర్చిని అధిక మొత్తంలో తీసుకోవ‌డం వల్ల క‌డుపులో ఎసిడిటీ స‌మ‌స్య పెరుగుతుంది. క‌డుపులో పుండ్లు వంటి స‌మ‌స్య‌లు త‌లెత్తుతాయి. అలాగే విరోచ‌నాల స‌మ‌స్య బారిన పడే అవ‌కాశం కూడా ఉంది. అలాగే టిబి స‌మ‌స్య‌తో బాధ‌ప‌డే వారు ప‌చ్చిమిర్చికి దూరంగా ఉండాలి. ప‌చ్చిమిర్చి టిబి స‌మ‌స్య‌ను మ‌రింత అధికం చేసే గుణాల‌ను క‌లిగి ఉంటుంది. మ‌న ఆరోగ్యానికి ప‌చ్చిమిర్చి మేలు చేసేదే అయిన‌ప్ప‌టికి దీనిని అధికంగా తీసుకోవ‌డం వల్ల మ‌నం వివిధ అనారోగ్య స‌మ‌స్య‌ల బారిన పడే అవ‌కాశం ఉంది. క‌నుక ప‌చ్చిమిర్చిని మ‌నం వంట‌ల‌ల్లో కూడా త‌గిన మోతాదులో వాడాల‌ని నిపుణులు చెబుతున్నారు.
