చాలా మంది ఈ రోజుల్లో క్యాన్సర్ కారణంగా బాధపడుతున్నారు. క్యాన్సర్ సమస్య రాకుండా ఉండడానికి కొన్ని ఆహార పదార్థాలకు దూరంగా ఉండాలి. వీటిని తీసుకుంటే మాత్రం క్యాన్సర్ తప్పదట. ఆల్కహాల్ ఆరోగ్యానికి మంచిది కాదు. ఆల్కహాల్ ని ఎక్కువగా తీసుకోవడం వలన లివర్ దెబ్బతింటుంది. ఆల్కహాల్ ఎక్కువ శాతం ఉండే పానీయాలను తీసుకోవడం వలన లివర్ కూడా డ్యామేజ్ అవుతుంది. ఈస్ట్రోజన్ లెవెల్స్ పెరిగిపోతాయి. బ్రెస్ట్ క్యాన్సర్ వచ్చే అవకాశం ఉంటుంది. అలాగే ప్రాసెస్ చేసిన మాంసాన్ని తీసుకోవడం మంచిది కాదు.
ప్రాసెస్డ్ మీట్ వల్ల కూడా అనేక ఇబ్బందులు వస్తాయి. చాలా ఆహార పదార్థాలలో నైట్రైట్ వేస్తారు. ఈ కెమికల్స్ కారణంగా క్యాన్సర్ వచ్చే అవకాశం ఉంటుంది. కాబట్టి ప్రాసెస్డ్ మీట్ కూడా తీసుకోవద్దు. సోడా తీసుకోవడం వలన కూడా ఇబ్బంది వస్తుంది. సోడాని ఎక్కువగా తీసుకోవడం వలన ఊబకాయం కలుగుతుంది. బ్రెస్ట్ క్యాన్సర్, ప్యాంక్రియాటిక్ క్యాన్సర్ వంటి ప్రమాదకరమైన క్యాన్సర్లు వచ్చే అవకాశం కూడా ఉంటుంది.
రిఫైన్డ్ గ్రైన్స్ ని తీసుకోవడం వలన కూడా కోలన్ క్యాన్సర్, గ్యాస్ట్రిక్ క్యాన్సర్ వచ్చే అవకాశం ఉంటుందట. కాబట్టి ఈ ఆహార పదార్థాలకు కొంచెం దూరంగా ఉండటమే మంచిది. ఈరోజుల్లో ప్రతి ఒక్కరు కూడా అనేక రకాల అనారోగ్య సమస్యలకి గురవుతున్నారు. అలాంటప్పుడు సరైన జీవన విధానాన్ని ఫాలో అవ్వాలి. దానితో పాటుగా ప్రతిరోజు వ్యాయామం చేయడం, సరిపడా నీళ్లు తీసుకోవడం, ఒత్తిడి లేకుండా చూసుకోవడం ఇలా వీటిని ఫాలో అయితే ఆరోగ్యం బాగుంటుంది.
