ప్రతి ఒక్కరి వంటింట్లో లభ్యమయ్యే యాలకుల వలన ఎన్నో ప్రయోజనాలు ఉన్నాయి. అవి మన ఆరోగ్యానికి మేలు చేయడమే కాకుండా చర్మ సౌందర్యం మెరుగుపడడంలో కూడా సహాయపడుతుంది. యాలకులలో చర్మానికి మేలు చేసే యాంటీ యాక్సిడెంట్స్ కూడా ఉన్నాయి. ఇది చర్మంపై అలర్జీ సమస్యను కూడా దూరం చేస్తుంది. దీని వల్ల ముఖం మరింత కాంతి వంతంగా కనిపిస్తుంది. యాలకుల స్క్రబ్ చర్మానికి చాలా మేలు చేస్తుంది. ఇది చర్మంలోని మృతకణాలను తొలగించి, చర్మాన్ని లోపలి నుంచి శుభ్రపరుస్తుంది. పెద్ద యాలకులలో యాంటీ ఆక్సిడెంట్లు, విటమిన్ సి, అవసరమైన ఖనిజాలు, పొటాషియం పుష్కలంగా ఉంటాయి. ఇది లోపలి నుండి చర్మాన్ని శుభ్రపరుస్తుంది.
పెద్ద యాలకులు రక్త ప్రసరణను మెరుగుపరచడంలో కూడా సహాయపడడమే కాక చర్మంలోని టాక్సిన్స్ ను కూడా శుభ్రపరుస్తుంది. ఇది చర్మాన్ని కూడా డిటాక్సిఫై చేస్తుంది. అంతేకాదు చర్మంలో రక్త ప్రసరణను వేగవంతం చేస్తుంది. చర్మాన్ని లోపలి నుంచి అందంగా మార్చడంలో సహాయం చేస్తుంది. యాలకులు చర్మంపై ఏర్పడే వృద్ధాప్య సంకేతాలను తొలగిస్తుంది.యాలకులలోని విటమిన్ ఇ వృద్ధాప్యాన్ని నివారిస్తుంది. ముఖంపై ముడతలు రాకుండా చేస్తుంది. ముఖంపై ఏర్పడే మొటిమలను తగ్గించే యాంటీ బ్యాక్టీరియల్ లక్షణాలను కలిగి ఉంటాయి. దీనితో పాటు విటమిన్ సి, విటమిన్ ఇ కూడా పుష్కలంగా లభిస్తాయి. ఇవి ముఖంపై మచ్చలను తేలికగా నివారిస్తాయి. దీనితో పాటు వీటిలో యాంటీ-ఆక్సిడెంట్లు కూడా పుష్కలంగా ఉంటాయి. ఇవి చర్మంలోని సెబమ్ను తగ్గిస్తాయి. మొటిమలు రాకుండా నివారిస్తాయి.
పీరియడ్స్ సమయంలో తీవ్రమైన కడుపునొప్పి, కండరాల తిమ్మిరితో బాధపడే వారికి యాలకుల నీరు చాలా మేలు చేస్తుంది. యాలకుల నీటిలో యాంటిస్పాస్మోడిక్ లక్షణాలు పుష్కలంగా ఉంటాయి. ఇవి హార్మోన్ల అసమతుల్యత నుంచి ఉపశమనం కలిగిస్తుంది.భోజనం తర్వాత యాలకులు తింటే బరువు తగ్గుతారు. రక్తపోటు ఎక్కువగా ఉంటే యాలకులు తినాలి. యాలకులు ఎముకలను బలంగా ఉంచుతాయి. యాలకుల్లో పీచు పదార్థం ఉంటుంది. ఇది శరీరానికి ఎంతో అవసరం. యాలకులను తరచూ తీసుకోవడం వల్ల అధిక రక్తపోటు అదుపులోకి వస్తుంది. వెంట్రుకలు చిట్లిపోవడం, ఊడిపోవడం వంటి సమస్యలన్నింటికీ యాలకులు చెక్ పెడతాయి. జుట్టు ఒత్తుగా బలంగా, కుదుళ్లు గట్టిగా ఉండేందుకు ఇవి దోహదపడుతాయి.
