తరతరాలుగా సమాధానం లేని ఓ ప్రశ్న ఇంకా మనషుల మెదడును తొలుస్తూనే ఉంది. కాలికేస్తే మెడకేసి, మెడకేస్తే కాలికేసి అంతు అనేది చిక్కకుండా చేస్తుంది. ఆ ప్రశ్నే… చెట్టుముందా? విత్తుముందా? అని……చెట్టే ముందు అని చెబితే…… విత్తు లేనిది చెట్టెట్టా వచ్చెన్? అని ప్రశ్న…..విత్తు ముందు అంటే చెట్టు లేనిది విత్తు ఎలా ఉద్భవించెన్…? అనే ప్రశ్న…ఇలా వెనక్కి వెళుతూ పోతే….మనకు మూర్చ వస్తుందేమో కానీ దీనికి సమాధానం మాత్రం దొరకదు. కానీ ఈ సారి ఎవరైనా మిమ్మల్ని చెట్టు ముందా? విత్తు ముందా? అని అడిగితే చెట్టే ముందు అని ధీమాగా చెప్పండి, అంతే కాదు కొన్ని రిఫరెన్స్ లను కూడా వాళ్ల కు చెప్పండి.
పురాణం ప్రకారం…చెట్టే ముందు:
క్షీర సాగర మథనంలో ముందుగా ఉద్భవిందించింది చెట్టే, విత్తనం కాదు…దాని పేరు కల్పవృక్షం. రాక్షసులు , దేవతలు వాసుకీ ని తాడుగా చేసి, మందరగిరిని కవ్వంగా మార్చి సాగరాన్ని చిలికితే అందులోంచి వరుసగా….విషం, కామధేనువు ఉచ్చైశ్రవము, ఐరావతం, కల్పవృక్షము, అప్సరసలు, చంద్రుడు , మహాలక్ష్మి పుడతారు. విషాన్ని శివుడు తీసుకొని కంఠంలో దాచుకోగా….. కామధేనువు, ఐరావతం, కల్పవృక్షాలను ఇంద్రుడు తీసుకున్నాడు.
సైన్స్ ప్రకారం:
భూపుట్టుక గురించి తెలిపే బిగ్ బ్యాంగ్ థియరీ ప్రకారం…….భూమి పుట్టుక తర్వాత ఉద్భవించిన సముద్రాల్లో మొదటగా మొక్కలు ( శైవలాలు ) ఉద్భవించాయని చెప్పబడింది. దీనిని బట్టి చెట్టే ముందు అని చెప్పవచ్చు. దీని మీద ఇంకా పరిశోధనలు జరుగుతున్నాయి.
ఇస్లాం ప్రకారం:
ఇస్లాం లో శాంతి వనం అనే మాటను అనేక సార్లు ఉపయోగించడం జరిగింది. సత్ప్రవర్తన, విలువతలో కూడుకున్న వ్యక్తులు నివసించే చోటును శాంతివనం అంటారు. వనం అంటే చెట్ల సమూహం…సో దీనిని బట్టి కూడా చెట్టే ముందు అని చెప్పవచ్చు.
