సినీ పరిశ్రమలో కొన్ని వింతలు జరుగుతూ ఉంటాయి. కొంతమంది హీరోయిన్లు మొదట కొడుకులతో నటించిన తర్వాత తండ్రుల పక్కన హీరోయిన్ గా నటించారు. మరి కొంతమంది హీరోయిన్లు మొదట తండ్రుల పక్కన హీరోయిన్గా నటించి ఆ తర్వాత కొడుకుల పక్కన హీరోయిన్ గా నటించారు. ఇలా నటించే అవకాశం కొద్ది మంది హీరోయిన్లకు మాత్రమే దొరుకుతుంది. ముఖ్యంగా స్టార్ ఇమేజ్ ఉన్న హీరోయిన్ల కి ఆ ఛాన్స్ ఉంటుంది. అలాంటి జోడీలు ఈ మధ్యకాలంలోనే కాదు గతంలో కూడా మనకు కనిపించాయి. సినిమా పరంగా అది తప్పు కాదు కాబట్టే దర్శకనిర్మాతలు అలా ప్లాన్ చేస్తున్నారు. అలా తండ్రి కొడుకులతో, బాబాయ్ అబ్బాయిలతో కలిసి నటించిన హీరోయిన్లు ఎవరో ఇప్పుడు చూద్దాం..
కాజల్ అగర్వాల్ రామ్ చరణ్ తో మగధీర, గోవిందుడు అందరివాడేలే, నాయక్ సినిమాలలో జోడిగా నటించి.. మెగాస్టార్ చిరంజీవి రీ ఎంట్రీ ఖైదీ నెంబర్ 150 లో హీరోయిన్ గా నటించింది. అతిలోక సుందరి శ్రీదేవి దాదాపు సీనియర్ హీరోలు అందరి సరసన నటించింది. అక్కినేని హీరోలైన తండ్రి కొడుకుల సరసన కూడా నటించింది. అక్కినేని నాగేశ్వరరావు సరసన ప్రేమాభిషేకం, శ్రీరంగనీతులు, ముద్దుల కొడుకు వంటి సినిమాలలో హీరోయిన్ గా నటించింది. అదేవిధంగా నాగర్జున నటించిన ఆఖరిపోరాటం, గోవిందా గోవిందా సినిమాల్లోనూ నటించి అలరించింది. నాగార్జున పెద్ద కుమారుడు నాగచైతన్య తో రారండోయ్ వేడుక చూద్దాం సినిమాలో నటించిన రకుల్ ప్రీత్ సింగ్ ఆ తర్వాత నాగార్జునతో మన్మధుడు 2 సినిమాలో నటించి మెప్పించింది.
క్రేజీ బ్యూటీ లావణ్య త్రిపాటి నాగచైతన్య తో యుద్ధం శరణం సినిమాలో నటించి నాగార్జునతో సోగ్గాడే చిన్నినాయన లో నటించింది. మిల్కీ బ్యూటీ తమన్న రామ్ చరణ్ తో రచ్చ సినిమాలో నటించి ఆ తర్వాత చిరంజీవి సరసన సైరా నరసింహారెడ్డి సినిమాలో కూడా నటించింది. రతి అగ్నిహోత్రి.. ఈ భామ ఎన్టీఆర్ తో కలియుగ రావణుడు, ప్రేమ సింహాసనం వంటి సినిమాలలో నటించి ఆ తర్వాత బాలకృష్ణ సరసన శ్రీ ముద్విరాట్ వీరబ్రహ్మేంద్రస్వామి చరిత్ర సినిమాలో హీరోయిన్ గా నటించింది. నందమూరి తారక రామారావు తో ఎన్నో సినిమాలలో నటించిన సహజ నటి జయసుధ బాలకృష్ణ తో అధినాయకుడు సినిమాలో నటించింది. అమితాబ్ బచ్చన్ తో లాల్ బాద్షాలో హీరోయిన్ గా నటించిన శిల్పా శెట్టి ఆ తర్వాత అభిషేక్ బచ్చన్ సరసన ఫిర్ మిలేంగే సినిమాలో హీరోయిన్ గా నటించింది. అనుష్క శెట్టి వెంకటేష్ సరసన చింతకాయల రవి సినిమాలో హీరోయిన్ గా నటించి అదేవిధంగా రానాకి జోడిగా రుద్రమదేవి సినిమాలో హీరోయిన్ గా నటించింది.
