శరీరంలోని వివిధ అవయవాలు వివిధ రకాల ఆహారాలను కోరుతూంటాయి. ఏ అవయవాలు ఏ ఆహారాలు కోరతాయనేది పోషకాహార నిపుణుల మేరకు పరిశీలిద్దాం. ఈ రకమైన స్టడీని చైనీస్ మెడిసిన్ ప్రకారం నిర్ధారించారు. ప్రతి అవయవం కూడా ఒక శక్తివంతమైన వ్యవస్ధ అని దానికి భావాలు, కణజాలం, రంగు,రుచి,వాసనలుంటాయని భావిస్తారు. ఇది సాధారణంగా మనం తీసుకునే కూరలు, ధాన్యాలు వంటివి కాక మీరు ఒక రకమైన ఆహారం కోరుతుంటే, అది ఏ అవయవం కోరుతోంది దానిని ఎలా తృప్తి పరచాలనేది అది చెపుతుంది.
ఊపిరితిత్తులు కోరే ఆహారం – ఘాటైన ఆహారాలు, ముల్లంగి, కేబేజి, ఆకు కూరలు, తోటకూర , కేరట్లు, ఎర్ర మిరియాలు, బ్రక్కోలి, గోధుమ గడ్డి, పీచు అధికంగా వుండే ఆహారాలు మొదలైనవి. కిడ్నీలు కోరే ఆహారం – ఉప్పు, బీన్స్, సోయాబీన్స్, కిడ్నీ బినన్స్, మెగ్నీషియం అధికంగా వుండే ఆహారాలు. గోధుమగడ్డి, జొన్నలు, మొక్కజొన్న, బార్లీ, బ్రౌన్ రైస్, నువ్వులు, గోంగూర, మెంతి, బ్రక్కోలి , అవకాడో, వండిన ధాన్యాలు, బటర్, అరటిపండు, బాదం, చేపలు, పుచ్చకాయ మొదలైనవి. స్ప్లీన్ లేదా ప్లీహం – పండ్లు, కూరగాయలు వంటివి. చిలకడదుంప, కేబేజి, కేరట్లు, ఉల్లిపాయలు, బ్రౌన్ రైస్, దాల్చిన చెక్క మొదలైనవి.
లివర్ – దీనికి పులుపు, చేదు పదార్ధాలు కావాలి. గ్రీన్ ఆపిల్స్, పసుపు, తులసి, అల్లం, జీలకర్ర, దాల్చిన చెక్క, కొత్తిమీర, స్ట్రాబెర్రీ, కేబేజి, కాలీఫ్లవర్, బ్రక్కోలి, మొలకెత్తిన విత్తనాలు, కాకరకాయ, జీలకర్ర, రాజ్ గీరా, అట్టా, ముల్లంగి మొదలైనవి. గుండె – గుండెకు కావలసిన ఆహారాలు చేదు, ఘాటుగా వుండేవిగా వుండాలి. ఘాటైన దినుసులు, రాజ్గీరా, బక్ వీట్, ముల్లంగి, ఉల్లిపాయలు, ఆవాలు, వెల్లుల్లి,నెయ్యి, మెగ్నీషియం అధికంగా వుండే ఆహారాలు. బ్రెయిన్ – ఈ అవయవం ఇష్టపడే ఆహారాలు కర కర లాడేవిగా వుండాలి. చిప్స్ అది ఎపుడు యాక్టివ్ గా వున్నా కర కరలాడే ధ్వని వచ్చే ఆహారాలు కావాలంటుంది. వేయించిన పప్పులు, కేరట్ ముక్కలు, బాదం, అప్రికాట్, వాల్ నట్ వండి ఎండు ఫలాలు కోరుతుంది.
