జిల్లెట్ దాదాపు 4 దశాబ్దాల క్రితం భారతదేశంలోకి ప్రవేశించింది. మా అబ్బాయి నాకు అంతగా పరిచయం లేని ఆ మాక్ బ్లేడ్ షేవర్‌లను ఇచ్చేవాడు. సాధారణ బ్లేడ్‌లులా కాకుండా, ఈ బ్లేడ్‌లు 3 సన్నని పదునైన బ్లేడ్ స్ట్రిప్‌లు (మాక్3 అని పిలుస్తారు) సమాంతరంగా అమర్చబడి ఉంటాయి…. అంతే. 4 స్ట్రిప్‌లు, 5 స్ట్రిప్‌ లను మాక్4 మరియు మాక్5 అని పిలుస్తారు, నేను అప్పుడు ఉపయోగించ లేదనుకోండి. ఇప్పుడు మాక్3 బ్లేడ్‌లను ఉపయోగిస్తున్నా.
ఇదంతా ఇప్పుడు ఎందుకు? క్రింద ఉన్న చిత్రాన్ని చూడండి. షేవింగ్ బ్లేడ్‌లు ఇప్పుడు ఒక రకమైన జెల్ పదార్థం తో వస్తాయి. ఇది షేవింగ్ చేసేటప్పుడు బ్లేడు మన గడ్డం మీద సజావుగా జారడానికి సహాయ పడుతుంది… ఇప్పుడు చాలా కాలం నుంచి కంపెనీ వారు ఈ బ్లేడ్లకు గడువు తేదీని ఇస్తున్నారు!
బ్లేడ్‌లో గడువు ముగియడానికి ఏమి ఉంటుంది…? అది లోహపు ముక్క… జెల్‌తో కొంత VA ఉండవచ్చు .. నేను కాదనను….కానీ కంటికి కనిపించే దానికంటే ఎక్కువగా, దీన్ని అమ్మకాలను పెంచడానికి ఒక వ్యూహం గా చూడవచ్చును. ప్రజలు గడువు ముగిసిన(?) బ్లేడ్‌లను పారవేయాల్సి వస్తుంది. గడువు తేదీ ఇవ్వకపోయి ఉంటే, కొత్తది కొనకుండా వారు పాతదాన్ని ఉపయోగించేవారు….కదా? ఇది అమ్మకాల పరిమాణాన్ని పెంచవచ్చు…..ఇది కంపెనీ లాభాలు పెరగడానికి సహాయపడే అవకాశం ఉంది.
