ప్రపంచ ఆరోగ్య సంస్థ ప్రకారం గర్భాశయ క్యాన్సర్(Cervical cancer) ప్రపంచంలో మహిళల్లో నాల్గవ అత్యంత సాధారణ క్యాన్సర్. భారతదేశంలో రొమ్ము క్యాన్సర్ కేసులు అత్యధికంగా మహిళల్లో కనిపిస్తుండగా, గర్భాశయ క్యాన్సర్ రెండవ స్థానంలో ఉంది. బాధపడాల్సిన విషయం ఏంటంటే.. ఈ వ్యాధితో బాధపడుతున్న చాలా మంది మహిళలు చివరి వరకూ వ్యాధిని గుర్తించలేకపోతున్నారు. చివరికి దశలోనే వైద్యుడి వద్దకు వెళుతున్నారు. అందుకే గర్భాశయ క్యాన్సర్ కారణంగా మరణాల సంఖ్య కూడా పెరుగుతుంది. షాల్బీ సునర్ ఇంటర్నేషనల్ హాస్పిటల్స్ (గురుగ్రామ్) మెడికల్ ఆంకాలజీ విభాగాధిపతి డాక్టర్ రాకేష్ కుమార్ శర్మదీని గురించి మాట్లాడుతూ, ప్రపంచవ్యాప్తంగా మహిళలను ప్రభావితం చేసే క్యాన్సర్లలో గర్భాశయ క్యాన్సర్ నాల్గవ అత్యంత సాధారణ రకంగా తెలిపారు. ఇది సాధారణంగా 35 నుంచీ 44 సంవత్సరాల మధ్య వయస్సు గల మహిళల్లో సంభవిస్తుంది.
20 సంవత్సరాల కంటే తక్కువ వయస్సు ఉన్న మహిళల్లో చాలా అరుదుగా కనిపిస్తుంది. అయినప్పటికీ ఇది చాలా ప్రమాదకరమైన వ్యాధిగానే పరిగణించబడుతుందిని తెలిపారు. చాలా ఇతర రకాల క్యాన్సర్ల మాదిరిగానే, గర్భాశయ క్యాన్సర్ కూడా మెటాస్టాసైజ్ చేయవచ్చు. అనగా క్యాన్సర్ కణాలు శరీరంలోని సమీప అవయవాలకు వ్యాపించి ద్వితీయ క్యాన్సర్కు కారణమవుతాయి. చాలా సందర్భాలలో ఈ క్యాన్సర్ హెచ్పివి లేదా హ్యూమన్ పాపిల్లోమా వైరస్ వల్ల వస్తుంది. ఇది లైంగికంగా సంక్రమించే వ్యాధి. గర్భాశయ క్యాన్సర్, గర్భాశయంలో (Uterus) ఉన్న గుండ్రని గడ్డలు, ట్యూమర్లు లేదా అస్వస్థతల వృద్ధి ద్వారా ఏర్పడుతుంది. ఈ క్యాన్సర్ ప్రధానంగా ఎండ్‌మెట్రియం (Endometrium) నుండి ప్రారంభమవుతుంది, ఇది గర్భాశయానికి సంబంధించిన అంగంగా ఉంటుంది. అధిక ఎస్ట్రోజెన్ (Estrogen) ఉత్పత్తి, గర్భాశయ క్యాన్సర్ రిస్క్‌ను పెంచుతుంది. ఈ హార్మోన్ ఎక్కువగా ఉత్పత్తి కావడం వలన గర్భాశయంపై ప్రభావం చూపిస్తుంది.
వయస్సు పెరిగేకొద్దీ గర్భాశయ క్యాన్సర్ ప్రమాదం ఎక్కువ అవుతుంది. 50-70 సంవత్సరాల వయస్సు ఉన్న మహిళలు ఎక్కువగా ప్రభావితం అవుతారు. ముఖ్యంగా ఐడిన్ లోపం ఉన్న మహిళలకు ఈ క్యాన్సర్ వచ్చే అవకాశం ఎక్కువగా ఉంటుంది. హార్మోనల్ థెరపీ (Hormone Therapy), ఇతర చికిత్సలు గర్భాశయ క్యాన్సర్ పరిణామాలకు కారణం కావచ్చు. 50 పైబడిన మహిళల్లో గర్భాశయ క్యాన్సర్ వచ్చే ప్రమాదం ఎక్కువ. ముఖ్యంగా, ప్రజనితి (Menopause) అనంతరం మహిళలు దీని ప్రభావానికి గురవుతారు. ఎస్ట్రోజెన్ స్థాయిలలో మార్పు ఉండటం, గర్భాశయ క్యాన్సర్ సృష్టించగల కారణం. ఊబకాయం (Obesity) ఉండే మహిళలు, అలాగే పెరిగిన షుగర్ (Diabetes) స్థాయిలున్న వారు ఎక్కువగా ఈ క్యాన్సర్కు గురవుతారు. గర్భాశయ క్యాన్సర్‌ను జన్యు (Genetic) కారణంగా కూడా తెచ్చుకోవచ్చు. కుటుంబంలో ఇతరులకీ ఈ క్యాన్సర్ ఉంటే ప్రమాదం ఎక్కువ. మీకు వ్యాధి ఉందో లేదో తెలుసుకోవడానికి ఉత్తమ మార్గం దాని లక్షణాలపై శ్రద్ధ వహించడం.
కొన్ని వ్యాధులు ప్రారంభంలో లక్షణాలను చూపించనప్పటికీ, తరచుగా వ్యాధి చాలా పురోగతి చెందినప్పుడు కొన్ని సూచనలు కనపడతాయి. గర్భాశయ క్యాన్సర్ కూడా ఇలాంటిదే చెప్పవచ్చు. కాబట్టి మీకు ఏవైనా లక్షణాలు కనిపిస్తే, క్యాన్సర్ పెరిగి ఉండవచ్చు. మీరు ఈ 5 లక్షణాలలో దేనినైనా గమనించినట్లయితే, వెంటనే వైద్యుడిని సంప్రదించడం చాలా ముఖ్యం. అసాధారణమైన లేదా సక్రమంగా లేని యోని రక్తస్రావం గర్భాశయ క్యాన్సర్ లక్షణం, ఈ లక్షణం సాధారణంగా రెండవ దశలో కనిపిస్తుంది. మహిళలకు సాధారణంగా పీరియడ్స్ సమయంలో రక్తస్రావం అవుతుంది. కానీ రుతుస్రావం ముగిసిన తర్వాత కూడా రక్తస్రావం అవుతుంటే.. ముఖ్యంగా కలయిక చేసిన తర్వాత లేదా రుతువిరతి తర్వాత జరుగుతుంటే ఇది గర్భాశయ క్యాన్సర్ కావచ్చు. కనుక ఖచ్చితంగా వైద్యుడిని సంప్రదించండి. సాధారణంగా రుతుస్రావం సమయంలో కటి అంటే వెన్నుముక కింది భాగంలో నొప్పి, తిమ్మిరి వంటివి సంభవిస్తాయి. అయితే ఇది సాధారణంగా కూడా వస్తుంటే గర్భాశయ క్యాన్సర్ లక్షణం కావచ్చు. పీరియడ్స్ లేనప్పుడు కూడా ఇలా నొప్పి అనిపిస్తే వెంటనే డాక్టర్‌ను సంప్రదించాలి.
పునరుత్పత్తి వయస్సు గల మహిళల్లో యోని ఉత్సర్గ సాధారణం. ఇది మంచి పునరుత్పత్తి ఆరోగ్యానికి సంకేతంగా పరిగణించబడుతుంది. అయితే, ఈ ఉత్సర్గ పారదర్శకంగా ఉంటుంది, అంటే చెడు వాసన ఉండదు. కానీ మీకు దుర్వాసనతో కూడిన అసాధారణ ఉత్సర్గ జరుగుతుంటే వెంటనే వైద్యుడిని సంప్రదించండి. ఎందుకంటే ఇది గర్భాశయ క్యాన్సర్ లక్షణం కావచ్చు. ఆహారం తీసుకోకపోతే, వ్యాయామం చేయకపోతే అలసట లేదా బలహీనత రావడం సహజం. కానీ మీకు కారణం లేకుండా ఎల్లప్పుడూ అలసిపోయినట్లు అనిపిస్తే, వైద్యుడిని సంప్రదించండి. ఇది గర్భాశయ క్యాన్సర్కు సంకేతం కావచ్చు. చాలా మంది మహిళలు సెక్స్ సమయంలో నొప్పి గురించి ఫిర్యాదు చేస్తారు. మీరు మొదటిసారి శృంగారంలో పాల్గొంటే ఇది సహజమే. కానీ మీకు తరచుగా నొప్పి ఉంటే, దానిని నిర్లక్ష్యం చేయవద్దు. ఇది అధునాతన గర్భాశయ క్యాన్సర్కు సంకేతం కావచ్చు, కాబట్టి వీలైనంత త్వరగా వైద్యుడిని సంప్రదించండి.
