మధుమేహం అనేది ఇతర ఆరోగ్య సమస్యలను కూడా కలిగిస్తుంది. మధుమేహానికి సంబంధించిన బ్లడ్ షుగర్ అసమతుల్యత శరీరంలోని ఇతర అవయవాలను మాత్రమే కాకుండా మన చర్మాన్ని కూడా ప్రతికూలంగా ప్రభావితం చేస్తుంది. డయాబెటిస్ బాధితుల్లో ఎక్కువగా పొడిబారిన చర్మ సమస్యలను ఎదుర్కొంటారు. ఇది దద్దుర్లు, దురద, తరచూ ఇన్ఫెక్షన్ ఏదైనా కావచ్చు. పొడి చర్మ సమస్యలే కాకుండా, రక్తంలో చక్కెర అసమతుల్యత కారణంగా అనేక చర్మ సమస్యలు తలెత్తుతాయి. బొబ్బలు, చర్మంపై ఎరుపు, ముదురు పాచెస్, బాక్టీరియల్ ఇన్ఫెక్షన్లు, డయాబెటిక్ డెర్మోపతి (లేత గోధుమరంగు పాచెస్ ) అకాంథోసిస్ నైగ్రికన్స్ (ముఖ్యంగా చంకలు, గజ్జలు మెడ వెనుక భాగంలో ముదురు రంగు మారడం) కూడా సంభవించవచ్చు. అయితే మధుమేహం చర్మ సమస్యలను ఎందుకు కలిగిస్తుందో ముందుగా తెలుసుకుందాం.
మధుమేహం లేదా ప్రీ-డయాబెటిక్ పరిస్థితులు ఉన్న చాలా మంది వ్యక్తులు కొన్ని పునరావృత చర్మ సమస్యలను ఎదుర్కొంటారు. మధుమేహం రక్తంలో గ్లూకోజ్ స్థాయిలను పెంచుతుంది. శరీరంలో రక్త ప్రసరణకు అంతరాయం కలిగిస్తుంది. ఫలితంగా, రక్త నాళాలు, నరాలకు తగినంత రక్తం, పోషకాలు లభించకపోవచ్చు.అందువల్ల, ఇది చర్మంలోని కొల్లాజెన్‌ను దెబ్బతీస్తుంది. ఈ కారణంగా, తెల్ల రక్త కణాలు ఇన్ఫెక్షన్లతో పోరాడే సామర్థ్యాన్ని కోల్పోతాయి. డయాబెటిస్ అభివృద్ధికి ఇది ఒక కారణం. దెబ్బతిన్న చర్మ కణాలు సరిగ్గా పనిచేసే సామర్థ్యాన్ని కోల్పోతాయి. ఉష్ణోగ్రత,ఒత్తిడికి పెరిగిన చర్మ సున్నితత్వాన్ని కూడా కలిగిస్తుంది. మధుమేహం ప్రారంభ దశలలో ఈ వ్యాధితో బాధపడుతున్న వ్యక్తులు చర్మపు పాచెస్ సమస్యను ఎదుర్కొంటారు. మెడ లేదా చంకలలో పాచెస్ ఏర్పడవచ్చు. కొంతమందికి పాలిపోయిన చర్మం కూడా ఉంటుంది. రక్తప్రసరణ తగ్గడం వల్ల శరీరంలోని వివిధ భాగాల్లో ముఖ్యంగా పాదాల్లో దురద వస్తుంది. మధుమేహం చర్మాన్ని సున్నితంగా చేస్తుంది. కోతలు, గాయాలు తగిలినప్పుడు..చికిత్స చేయకుండా వదిలేస్తే ఈ గాయాలు రోగనిరోధక వ్యవస్థ పనితీరును ప్రభావితం చేస్తాయి. మధుమేహం నుండి రికవరీని ఆలస్యం చేస్తాయి.
మధుమేహం కుటుంబ చరిత్ర కలిగిన వ్యక్తులు బొల్లి, సోరియాసిస్ వంటి లక్షణాలను ఎదుర్కొంటారు. మధుమేహాన్ని అదుపులో ఉంచుకోవడానికి రెగ్యులర్ మందులు, వ్యాయామం, నియంత్రిత ఆహారం చాలా చర్మ సమస్యలను నియంత్రించడంలో మీకు సహాయపడుతుంది. అలాగే, చర్మ పరిశుభ్రతను కాపాడుకోవడం కూడా చాలా ముఖ్యం. మీ చర్మాన్ని శుభ్రంగా ఉంచుకోండి. ముఖ్యంగా చంకల కింద, రొమ్ముల కింద, కాలి వేళ్ల మధ్య, నడుము చుట్టూ ఉన్న ప్రాంతాలు పొడిగా, తేమ లేకుండా ఉండేలా చూసుకోండి. ఎక్కువ వేడి నీటితో స్నానం చేయకూడదు. చెమటను తగ్గించుకోవడానికి వేడి వాతావరణంలో రోజుకు రెండుసార్లు తలస్నానం చేయడం అలవాటు చేసుకోండి. ఇది సంక్రమణ అవకాశాలను తగ్గిస్తుంది. మీ చర్మాన్ని తేమగా ఉంచుకోవటం కూడా ముఖ్యం. మీ చర్మం పొడిగా ఉంటే శరీరమంతా మాయిశ్చరైజర్‌ను ఉపయోగించవచ్చు. ఎందుకంటే పొడిబారడం వల్ల అలర్జీ వస్తుంది. అలాగే, చేతులు, కాళ్ళను జాగ్రత్తగా చూసుకోండి.
డయాబెటిక్ రోగులు చర్మం, ఇతర అవయవాలకు సంబంధించిన వ్యాధులకు ఎక్కువగా గురవుతారు. పుండ్లు, తెగిన గాయాలనుండి జాగ్రత్తగా ఉండండి.. బాగా సరిపోయే వెడల్పు, ఫ్లాట్ చెప్పులు ధరించడం ఉత్తమం. పొరపాటున ఏదైనా గాయం అయినట్టయితే..ఆ కోతలు, గాయాలపై వెంటనే యాంటీబయాటిక్ క్రీములను వాడండి. ఎల్లప్పుడూ సన్‌స్క్రీన్ ఉపయోగించండి. ప్రతిరోజూ మీ చర్మంపై SPF 40 సన్‌స్క్రీన్‌ని ఉపయోగించడం అలవాటు చేసుకోండి. సన్‌స్క్రీన్ మీ చర్మాన్ని సన్ డ్యామేజ్, దాని హానికరమైన ప్రభావాల నుండి రక్షించడంలో సహాయపడుతుంది. మిమ్మల్ని మీరు హైడ్రేటెడ్ గా ఉంచుకోవడానికి పుష్కలంగా నీరు తాగండి. మీ రోజువారీ ఆహారంలో దాల్చినచెక్క, జామున్, కలబంద, బెర్రీలు, టమోటాలు, గూస్బెర్రీ, పెరుగు, నిమ్మకాయ వంటి ఆహారాలను తీసుకోవటం అలవాటు చేసుకోండి.
