Aloe Vera : క‌ల‌బంద వ‌ల్ల మ‌న‌కు ఎన్నో ఆరోగ్య‌క‌ర‌మైన ప్ర‌యోజ‌నాలు క‌లుగుతాయ‌న్న విష‌యం అంద‌రికీ తెలిసిందే. క‌ల‌బంద చ‌ర్మానికి, జుట్టుకు సంర‌క్ష‌ణ‌ను అందిస్తుంది. అందువ‌ల్ల చాలా మంది కలబందను శిరోజాలు, చ‌ర్మ సంర‌క్ష‌ణ‌కు ఉప‌యోగిస్తుంటారు. వాస్త‌వానికి క‌ల‌బంద వ‌ల్ల అధిక బ‌రువును కూడా త‌గ్గించుకోవ‌చ్చు. అందుకు గాను కలబందను ప‌లు విధాలుగా తీసుకోవ‌చ్చు.
అధిక బరువు త‌గ్గాల‌నుకునే వారికి క‌ల‌బంద ఎంత‌గానో మేలు చేస్తుంది. క‌ల‌బంద‌లో యాంటీ ఆక్సిడెంట్లు అధిక సంఖ్య‌లో ఉంటాయి. ఇవి క్యాల‌రీలను ఖర్చు చేసేందుకు ఎంత‌గానో దోహ‌ద‌ప‌డ‌తాయి. దీంతో కొవ్వు క‌రుగుతుంది. అధిక బరువు వేగంగా త‌గ్గుతారు.
క‌ల‌బంద ద్వారా బరువు త‌గ్గాలంటే అందుకు కలబందను 5 విధాలుగా తీసుకోవ‌చ్చు. అవేమిటంటే..
1. క‌ల‌బంద గుజ్జును ఒక టీస్పూన్ మోతాదులో తీసుకుని భోజ‌నానికి 14 నిమిషాల ముందు సేవించాలి. ఇలా రోజుకు 3 సార్లు చేయాలి. దీంతో బరువు వేగంగా త‌గ్గుతారు.
2. క‌ల‌బంద గుజ్జును ఏదైనా కూర‌గాయ‌ల ర‌సంలో క‌లిపి కూడా తీసుకోవ‌చ్చు. అయితే ఇలా తీసుకోవాలంటే ఉద‌యాన్నే ప‌ర‌గ‌డుపునే ఆ జ్యూస్ తాగాల్సి ఉంటుంది. ఏదైనా కూర‌గాయ‌ల జ్యూస్‌ను ఒక క‌ప్పు మోతాదులో తీసుకుని అందులో 30 ఎంఎల్ క‌ల‌బంద గుజ్జును క‌ల‌పాలి. ఇలా ఈ జ్యూస్‌ను ఉదయం ప‌ర‌గ‌డుపున తీసుకోవ‌చ్చు. దీంతో బరువు త‌గ్గుతారు.
3. ఉద‌యాన్నే ప‌ర‌గ‌డుపునే ఒక గ్లాస్ గోరు వెచ్చని నీటిలో 2 టీస్పూన్ల క‌ల‌బంద ర‌సం క‌లిపి కూడా తాగ‌వ‌చ్చు.
4. తేనె 2 టీస్పూన్లు, అంతే మోతాదులో క‌ల‌బంద ర‌సం తీసుకుని క‌లిపి ఉద‌యాన్నే ప‌ర‌గ‌డుపునే సేవించాలి. ఇలా కూడా బరువు త‌గ్గుతారు.
5. ఒక నిమ్మ‌కాయను తీసుకుని స‌గం ముక్క కోసి దాని ర‌సం పూర్తిగా పిండి అందులో 2 టీస్పూన్ల క‌ల‌బంద ర‌సం క‌లిపి తాగాలి. ఇలా రోజూ ఉదయం, సాయంత్రం భోజ‌నానికి 30 నిమిషాల ముందు చేయాలి. దీంతో క‌ల‌బంద బ‌రువును త‌గ్గిస్తుంది.
