Sri Devi Death : అందాల తార అతిలోకసుందరి శ్రీదేవి గురించి భారతీయ సినీ అభిమానులకు ప్రత్యేకంగా గుర్తు చేయాల్సిన అవసరం లేదు. ఆమె అందం అభినయంతో, దక్షిణాదినే కాకుండా బాలీవుడ్ లో కూడా స్టార్ హీరోయిన్ గా గుర్తింపు దక్కించుకుంది శ్రీదేవి. చైల్డ్ ఆర్టిస్ట్గా కెరీర్ మొదలు పెట్టి తమిళ, తెలుగు చిత్రాలతో పాటు హిందీ చిత్రాల్లో కూడా నటించి తన నటనతో శ్రీదేవి అభిమానుల గుండెల్లో తనకంటూ ఓ ప్రత్యేక ముద్ర వేసుకుంది. ఎన్టీఆర్, ఏఎన్నార్, శోభన్ బాబు కృష్ణ వంటి అగ్ర హీరోలతోనే కాకుండా ఆ తర్వాత జనరేషన్ లో వచ్చిన నాగార్జున, వెంకటేష్ వంటి వారితో కూడా నటించి ఎన్నో ఘన విజయాలను తన సొంతం చేసుకుంది. బాలీవుడ్ లో కూడా అమితాబ్, మిథున్ చక్రవర్తి, ధర్మేంద్ర, అనిల్ కపూర్ వంటి హీరోలతో నటించి సక్సెస్ఫుల్ హీరోయిన్ గా ఎన్నో విజయాలు అందుకుంది.
అటు టాలీవుడ్ ఇటు బాలీవుడ్ ఏలిన అతిలోకసుందరి శ్రీదేవి వ్యక్తిగత జీవితం మాత్రం చివరికి విషాదంగా ముగిసింది. ఎంతో అందాలరాశి అయి ఉండి కూడా బోనీ కపూర్ కి రెండో భార్య అయ్యింది. చిన్నవయసులోనే ఎన్నో బరువు బాధ్యతలను తన భుజంపైన వేసుకొని ఏ కుటుంబం కోసం కష్టపడి పైకి వచ్చిందో ఆ కుటుంబం కోసం మోసపోయింది. ఇక శ్రీదేవి మరణ విషయంపై సీనియర్ జర్నలిస్ట్ ఇముంది రామారావు ఒక ఇంటర్వ్యూ ద్వారా ఆసక్తికరమైన విషయాలు వెల్లడించారు.
శ్రీదేవి ఫుల్ గా మద్యం సేవించి హోటల్ బాత్ టబ్ లో పడి గుండెపోటుతో మరణించింది అనే విషయాన్ని ఇముంది రామారావు ఖండించారు. ఇముంది రామారావు ఇదే విషయంపై మాట్లాడుతూ శ్రీదేవికి చిన్న వయసు నుంచే మద్యం సేవించి అలవాటు ఉంది. షూటింగ్ టైంలో తనకు ఏదైనా బాధ కలిగితే ఇంటి వద్దకు వచ్చి ఏడిస్తే ఆమె తల్లి ఇతరుల నిద్రకు ఇబ్బంది కలగకూడదని ఆమెకి మద్యం అలవాటు చేసిందని రామారావు వెల్లడించారు. చిన్నప్పటి నుంచి మద్యం అలవాటు ఉన్న శ్రీదేవి తను ఎంత ఎక్కువ మద్యం తీసుకున్న కూడా ఇతరులకు ఆ విషయం అసలు తెలియదు.
అలాంటి ఆవిడ కొంచెం మద్యం సేవించినంత మాత్రాన వాటర్ టబ్ లో పడి చనిపోయింది అంటే నమ్మశక్యంగా లేదు. కేవలం ఆమె పేరు మీద ఉన్న 200 కోట్ల ఇన్సూరెన్స్ రూపంలో ఆమెను మృత్యువు కబళించింది. ఆమె ఇన్సూరెన్స్ కోసమే పక్కాగా ప్లాన్ చేసి మరి ఆవిడ మరణించేలా చేశారు అని, ఇలా ఎన్నో అనుమానాల మధ్య శ్రీదేవి మరణించింది అని ఇముంది రామారావు ఓ ఇంటర్వ్యూ ద్వారా తన అభిప్రాయాన్ని వెల్లడిచేశారు.
