వాస్తవాలు మాట్లాడాలి అంటే వాళ్ళు ఇచ్చే డబ్బులు 20 సంవత్సరాల తర్వాత పిల్లల డైపర్ ఖర్చులకు కూడా సరిపోవు. కానీ ప్రస్తుతం మనం చెల్లించే ధనం ప్రస్తుత మార్కెట్ లో విలువ ఉంటుంది. 20 సంవత్సరాల తర్వాత మన డబ్బు ఏ విలువ లేకుండా ఇస్తారు.ఏదో నామ మాత్రమే. మిత్రులు చెప్పినట్లు కనీసం ఒక పడకగది గల ఇంటిని కూడా కోనుగోలు చేయలేము. మరి ఎందుకు ఎల్ ఐ సి అంటే వాస్తవం చెప్పాలంటే ఏజెంట్లు బ్రతకడానికి, వాళ్ళ కుటుంబాలు బ్రతకడానికి, వాళ్ళ ఉద్యోగులు బ్రతకడానికి మరియు వాళ్ళ కార్యాలయాలు నడవడానికి.
నేను ఏమీ పాలసీలు కట్టలేదు అనుకోవద్దు. అరడజను పాలసీలు నడుస్తున్నాయి. ప్రీమియం కూడా తాహతుకు మించే ఉంది. మరి ఎందుకు కడున్నాను అని మీకు అనుమానం రావచ్చు అక్కడికే వస్తున్నాను. మొదటగా తెలిసిన వాళ్ళు బలవంతం మీద కొన్ని పాలసీలు, తర్వాత ఆత్రం లో పూర్తిగా చదవకుండా న్యూస్ లో చెప్పారు అని కొన్ని తీసుకోవడం జరిగింది. నాకు తెలియకుండానే ఇంట్లో వాళ్ళ చేత రాయించినవి కూడా ఉన్నాయి.
టర్మ్ ప్లాన్ ఇష్టపడి తీసుకున్నాను. బయటి వాళ్ళతో పోలిస్తే ప్రీమియం చాలా చాలా ఎక్కువ అయినప్పటికీ కుటుంబం కు భరోసా ఉంటుంది మరియు సెంటిల్మెంట్ శాతం ఎక్కువగా ఉంటుంది ఇతరులతో పోలిస్తే అన్న కారణంతో తీసుకున్నాను. ప్రస్తుతానికి ఇతర కంపెనీలతో పోలిస్తే ఎల్ ఐ సి వాళ్ళు కొంచెం నయం. ఎక్కువ గా ఇబ్బంది పెట్టకుండా క్లైమ్ సెటిల్ చేయడానికి ప్రయత్నం చేస్తున్నట్లు కనిపిస్తోంది. ఒక సారి కట్టిన ధనం మూడు సంవత్సరాల లోపు ఎప్పుడు తీసుకున్నా కనీసం మనం కట్టిన పూర్తి ధనం కూడా రాదు.
