ఉదాహరణ క్రింద LML స్కూటర్ కంపెనీ చెప్పొచ్చు. 1960 సంవత్సరంలో బజాజ్, పియజియో ఇటలీ వారి సాంకేతిక ఒప్పందంతో వారి వెస్పా స్కూటర్ను బజాజ్ స్కూటర్ అని ఇండియాలో ప్రవేశపెట్టింది.వారి ఒప్పందం 1971 దాకా ఉంది. తరువాత బజాజ్ 150 cc చేతక్ అనేపేరు తో స్వంత స్కూటరు విదేశాలకు ఎగుమతి, 1980 దశకంలో ఆస్కూటరు కావాలంటే, బుక్ చేశాక సంవత్సరం వెయిటింగ్ ఉండేది. ఇండియా నుంచి రాయల్టీ రాకపోవటమే కాకుండా, బజాజ్ స్కూటర్ల ఎగుమతితో పియాజియో ఎగుమతులు దెబ్బతింటున్న పరిస్థితి.
1983లో, స్కూటర్ల రంగంలో ఏరకమైన ప్రవేశము, అనుభవము లేని లోహియా మెషిన్ కంపెని పియాజియో ను కలిసింది. (ఈ కంపెని 1972 లో స్ధాపించబడి క్రృత్రిమ ఫైబరు తయారు చేసే యంత్ర సామాగ్రి తయారు చేసేది. దానికి పెద్ద పేరులేదు.) బజాజ్ కు పోటీగా ఎవరొచ్చినా చాలని ఎదురు చూస్తున్న పియాజియో వెంటనే వారికి సాంకేతిక సహకారాన్ని ఇవ్వటానికి పెద్దగా షరతులేమీలేకుండానే సిధ్ధమైంది. ( వెస్పా పిఎక్స్ మోడల్) అన్ని ప్రముఖ పత్రికలలో మధ్యపేజీలోరెండువైపులా వచ్చేలా LML Vespa XE అడ్వర్టైజ్ మెంట్స్.
నాకు అప్పటి అడ్వర్టైజ్ మెంట్స్ కాపీ దొరకలేదు. అప్పటికే బజాజ్ వెయిటింగ్ తో విసిగిపోతున్న జనాలకు ఎనలేని ఉత్సాహం. ఇనిషియల్ అడ్వాన్స్డ్ బుకింగ్ డెపాజిట్ క్రింద LML కు రూ.800 కోట్లు వచ్చిందని భోగట్టా. విశేషం ఏవిటంటే, ఇంతపెద్ద రొక్కం రావటానికి, LML పెట్టుబడి కేవలం పేపర్లలో అడ్వర్టైజ్ మెంట్స్ ఖర్చు మాత్రమే. అప్పటికి, ఫాక్టరీ కానీ, తయారుచేసేయంత్రాలు, పనివాళ్ళు ఎవ్వరూ లేరు. ఈ డబ్బు వచ్చాకే, వాళ్ళు అన్ని పనులూ మొదలెట్టారు. ఆలూలేదు, చూలు లేదు, కొడుకుపేరు సోమలింగం అనే సామెత విన్నారుగా!!!
