ఆమె వాళ్లింట్లో పనిమనిషి…ఉదయం వచ్చి ఇళ్ళు ఊడ్వడం దగ్గరి నుండి, బట్టలుతకడం, పాత్రలు కడగడం వరకు తానే చేస్తుంది. మళ్ళీ సాయంత్రం వచ్చి మరోసారి తన పనులు చేసుకొని వెళుతుంది. అయితే పండుగకు వెళ్లి వచ్చిన తర్వాత ఆమె చెప్పిన మాటలు …ఆ ఇంటి యజమానికి సరికొత్త ప్రపంచాన్ని పరిచయం చేశాయ్..ఆ సంభాషణను మీరుకూడా వినండి మీలో కూడా అనూహ్యమైన మార్పు వస్తుంది.
భార్య: ఏవండీ మీ బట్టలు లాండ్రీకి తక్కువగా వేయండి. భర్త: ఏం? ఏమైంది.
భార్య: పనిమనిషి కొన్ని రోజుల పాటు రాదు. భర్త:ఎందుకని?
భార్య: వినాయక చవితి పండుగని తన కూతురుని, తన మనవరాలిని చూడటానికి ఊరికి వెళుతోంది. భర్త :సరే.. సరే.
భార్య:మర్చిపోకుండా ఆమెకు పండుగ కానుకగా రూ.500 ఇవ్వండి. భర్త: ఎలాగో ఉగాది వస్తుంది కదా, ఆమెకు అప్పుడే డబ్బులు ఇవ్వొచ్చు కదా.
భార్య: ఆమె పనిమనిషిగా కొన్ని ఇళ్ళలో పనిచేస్తూ ఉంటుంది. పేదమహిళ. తనకు వచ్చే కొంత ఆదాయంలో తన కూతురు, మనవరాలిని చూడటానికి వెళ్తుంది. మనం ఇచ్చే డబ్బులతో ఆమెకు కాసింత ఆసరానిస్తాయ్. భర్త:అబ్బా నువ్వు మరీ సెంటిమెంట్ గా మాట్లాడకు.
భార్య:మీరేమి డబ్బు గురించి ఆలోచించకండి. ఓ పూట మనం టైం పాస్ కు తినే పిజ్జా తినకుండా మానేస్తే చాలు ఆ డబ్బులు కవర్ అవుతాయ్. భర్త:బాగుంది నీ ఆలోచన. సరేనని ఆమెకు 500 రూపాయలు ఇచ్చారు ఆ దంపతులు.
ఆ పనిమనిషి మూడురోజుల తర్వాత తన కూతురు, మనవరాలిని చూసి మళ్ళీ పనిలోకి వచ్చింది.
యజమాని: ఏంటమ్మా.. ఊరికి వెళ్లి వచ్చావా? కూతురు మనవరాలు ఎలా ఉన్నారు. పనిమనిషి: వెళ్ళాను అయ్యా. చాలా బాగున్నారు. మీరిచ్చిన 500 రూపాయలతో మా మధ్య మరింత సంతోషం నెలకొంది.
యజమాని::అవును రూ. 500 తో ఏం చేశావు? పనిమనిషి: నా మనవరాలికి రూ.150 ఒక చొక్కా,రూ. 40 కు ఒక బొమ్మ తీసుకున్నాను. మా కూతురుకి కొన్ని స్వీట్లు రూ.50 , దేవుడు దర్శనానికి రూ. 60. నా కూతురికి రూ.25 చేతి గాజులు, నా అల్లుడికి రూ.50 కు అందమైన బెల్ట్ తీసుకున్నాను. మిగిలిన డబ్బుతో నా మనవరాలికి కావాల్సిన బుక్స్, చదువుకి కావలసిన వస్తువులు కొనిచ్చాను.
యజమాని:: ఏంటి. అన్ని వస్తువలు ఆ రూ.500 కేనా.?
ఒక్కసారిగా షాక్ కు గురైన ఆ పెద్దమనిషికి పిజ్జా గుర్తుకు వచ్చింది, తలనిండా ఆ పిజ్జా గురించే ఆలోచనలు ఉన్నాయి. మనం ఒక్క పిజ్జాకు అయ్యే ఖర్చుతో పనిమనిషి ఇవన్నీ కొనగలిగింది. తన కుటుంబానికి కావాల్సిన అవసరాలను తీర్చింది. తన కూతురు, అల్లుడు, మనవరాలు ఇలా అందరినీ సంతోషపెట్టి, ఆమె సంతోషంగా గడిపింది. అంటూ తనలో తానే ఎన్నో ఆలోచించుకున్నాడు…ఆమెను చూసి నేర్చుకోవాలి మనం ఎంత వృధాగా డబ్బు ఖర్చు పెడుతున్నామోనని ఆలోచించసాగాడు.
