Heart Attack : మ‌న శ‌రీరంలో ఉండే ముఖ్యమైన అవ‌య‌వాల్లో గుండె ఒక‌టి. గుండె నిరంత‌రంగా ప‌ని చేస్తేనే మ‌నం బ్ర‌తికి ఉండ‌గ‌లుగుతాము. కానీ ప్ర‌స్తుత కాలంలో చాలా మంది గుండె సంబంధిత స‌మ‌స్య‌ల‌తో బాధ‌ప‌డుతున్నారు. ముఖ్యంగా హార్ట్ ఎటాక్ తో మ‌ర‌ణించే వారి సంఖ్య రోజురోజుకు పెరుగుతుంది. వ‌య‌సుతో సంబంధం లేకుండా ప్ర‌తి ఒక్క‌రు హార్ట్ ఎటాక్ బారిన ప‌డుతున్నారు. మారిన మ‌న జీవ‌న విధానం, ఆహార‌పు అల‌వాట్లే ఈ స‌మ‌స్య త‌లెత్త‌డానికి ప్ర‌ధాన కారణం. జంక్ ఫుడ్ ను ఎక్కువ‌గా తీసుకోవ‌డం, నూనెలో వేయించిన ప‌దార్థాల‌ను తిన‌డం, వ్యాయామం చేయ‌క‌పోవ‌డం, శ‌రీరంలో కొలెస్ట్రాల్, ట్రై గ్లిజ‌రాయిడ్స్ ఎక్కువ‌గా పేరుకుపోవ‌డం వంటి వివిధ కార‌ణాల చేత ఈ స‌మ‌స్య త‌లెత్తుతుంది.
అలాగే ర‌క్తం చిక్క‌గా ఉండే చిక్క‌గా ఉండే వారిలో కూడా ఈ స‌మ‌స్య త‌లెత్తే అవ‌కాశాలు ఎక్కువ‌గా ఉంటాయి. అస్థ‌వ్య‌స్థ‌మైన జీవ‌న విధానం కార‌ణంగా గుండెకు ర‌క్తాన్ని స‌ర‌ఫ‌రా చేసే ర‌క్త‌నాళాల్లో అడ్డంకులు ఏర్ప‌డ‌తాయి. అడ్డంకులు ఏర్ప‌డ‌డం వ‌ల్ల గుండెకు ర‌క్తం స‌ర‌ఫ‌రా కాక హార్ట్ ఎటాక్ స‌మ‌స్య త‌లెత్తుతుంది. ఒక‌వేళ ఈ అడ్డంకులు చిన్న‌గా ఉంటే హార్ట్ ఎటాక్ వ‌చ్చిన‌ప్ప‌టికి ప్రాణ హాని క‌ల‌గ‌కుండా ఉంటుంది. అడ్డంకులు ఎక్కువ‌గా ఉండ‌డం వ‌ల్ల ర‌క్త‌నాళాల్లో ర‌క్త‌స‌ర‌ఫ‌రా పూర్తిగా నిలిచిపోయి హార్ట్ ఎటాక్ రాగానే ప్రాణాల‌ను కోల్పోతున్నారు. అయితే హార్ట్ ఎటాక్ స‌మ‌స్య వ‌చ్చే ముందు మ‌న‌కు కొన్ని ల‌క్ష‌ణాలు స‌మ‌స్య క‌నిపిస్తాయి. ఈ ల‌క్ష‌ణాల‌ను బ‌ట్టి మ‌నం హార్ట్ ఎటాక్ ను ముందుగానే గుర్తించ‌వ‌చ్చు. హార్ట్ ఎటాక్ వ‌చ్చే ముందు ఛాతిలో నొప్పిగా ఉంటుంది. ఈ నొప్పి ఎక్కువ‌య్యి క్ర‌మంగా ఎడ‌మ భుజం కండరాల వ‌ర‌కు వెళ్తుంది. అలాగే హార్ట్ ఎటాక్ వ‌చ్చే ముందు క‌ళ్లు తిరిగిన‌ట్టుగా ఉంటుంది.
అయితే డ‌యాబెటిస్ తో బాధ‌ప‌డే వారిలో ఈ ల‌క్ష‌ణాలు ఎక్కువ‌గా క‌నిపించవు. వైద్యులు హార్ట్ ఎటాక్ చికిత్స‌లో ఎక్కువ‌గా ఆస్ప్రిన్, నైట్రో గ్లిజ‌రిన్ మందుల‌ను వాడుతూ ఉంటారు. ఆస్ప్రిన్ ర‌క్తాన్ని ప‌లుచ‌గా చేయ‌డంలో స‌హాయ‌ప‌డుతుంది. ర‌క్తం ప‌లుచ‌గా అవ్వ‌డం వ‌ల్ల గుండెకు ర‌క్త‌స‌ర‌ఫ‌రా జ‌రుగుతుంది. అలాగే నైట్రో గ్లిజ‌రిన్ ర‌క్త‌నాళాల్లో ఉన్న అడ్డంకుల‌ను తొల‌గించ‌డంలో స‌హాయ‌ప‌డుతుంది. ర‌క్తం చిక్క‌గా ఉండే వారు, హార్ట్ ఎటాక్ వ‌చ్చే అవ‌కాశం ఎక్కువ‌గా ఉన్న వారు ఈ మందుల‌ను ద‌గ్గ‌ర ఉంచుకోవ‌డం కూడా చాలా అవ‌స‌రం. అలాగే హార్ట్ ఎటాక్ స‌మ‌స్య వ‌చ్చే అవ‌కాశం ఉన్న వారు త‌ర‌చూ వైద్య ప‌రీక్ష‌లు చేయించుకుంటూ ఉండాలి. జంక్ ఫుడ్ కు, తీపి ప‌దార్థాల‌కు, నూనెలో వేయించిన ప‌దార్థాల‌కు దూరంగా ఉండాలి. శ‌రీరంలో కొలెస్ట్రాల్ పేరేకుపోకుండా జాగ్ర‌త్త తీసుకోవాలి. వ్యాయామం చేయాలి. చ‌క్క‌టి జీవ‌న విధానాన్ని పాటించాలి. ఈ విధంగా ఈ జాగ్ర‌త్త‌ల‌ను పాటించడం వ‌ల్ల హార్ట్ ఎటాక్ స‌మ‌స్య వ‌చ్చిన‌ప్ప‌టికి ప్రాణాలు పోకుండా మ‌న‌ల్ని మ‌నం కాపాడుకోవ‌చ్చు.
