Hansika Motwani : దేశముదురు సినిమా ద్వారా వెండితెరకు ప‌రిచ‌యం అయిన బ్యూటీ హన్సిక. ఆ సినిమా చేసే సమయంలో ఆమె వ‌య‌స్సు కేవ‌లం 16 ఏళ్లే. అయిన‌ప్ప‌టికీ ఆమె ఎంతో మందిని ఆకట్టుకుంది. త‌న అంద‌చందాల‌తో కుర్ర‌కారును మాయ చేసింది. త‌రువాత ఎన్నో సినిమాల్లో న‌టించి అల‌రించింది. హన్సిక తెలుగు సినిమా ద్వారా వెండితెరకు ప‌రిచ‌యం అయినా.. హిందీలో ఎప్పుడో బాల‌న‌టిగా అల‌రించింది. 2001 నుంచి 2004 వరకు ఆమె బాల‌న‌టిగా కొన‌సాగింది. త‌రువాత పూరీ జ‌గ‌న్నాథ్ ఆమెను వెండితెరకు దేశముదురు చిత్రం ద్వారా ప‌రిచ‌యం చేశారు.
ఇక 2007లో విడుద‌లైన దేశముదురు సినిమా చ‌క్క‌ని విజ‌యాన్ని సాధించింది. అల్లు అర్జున్ పెర్ఫార్మెన్స్ ఇందులో అదిరిపోయింది. అలాగే హన్సిక కూడా త‌న గ్లామర్, న‌ట‌న‌తో ఆకట్టుకుంది. త‌రువాత ఆమెకు సినిమాల్లో వ‌రుస ఆఫ‌ర్లు వ‌చ్చాయి. దీంతో ఆమె కంత్రి, మ‌స్కా, బిల్లా, జ‌యీభ‌వ, సీతారాముల క‌ల్యాణం లంక‌లో, కందిరీగ, ఓ మై ఫ్రెండ్‌, సింగం 2, ప‌వ‌ర్ వంటి సినిమాల్లో న‌టించి ఆకట్టుకుంది.
ర‌వితేజ‌తో క‌లిసి న‌టించిన ప‌వ‌ర్ సినిమా ఆమెకు హిట్‌ను ఇచ్చింది. అయిత త‌రువాత కొన్ని సినిమాల్లో ఆమెకు అవ‌కాశాలు వ‌చ్చినా అవి పెద్ద‌గా విజ‌యం సాధించ‌లేదు. దీంతో ఆమె కొద్దిగా లావుగా అయింది. ఈ క్ర‌మంలో ఆమెకు సినిమా అవ‌కాశాలు త‌గ్గాయి. అయితే ఇప్పుడు ఈమె స్లిమ్‌గా మారింది. కానీ గుర్తు ప‌ట్ట‌లేని విధంగా మారిపోయింది. చాలా బ‌ల‌హీనంగా ఉన్న‌ట్లు క‌నిపిస్తోంది. దీంతో ప్ర‌స్తుతం హ‌న్సిక‌ను చూసిన వారు అస‌లు గుర్తు ప‌ట్ట‌లేక‌పోతున్నారు. ఈమెకు ఏమైంది ? ఇలా మారిపోయింది.. అంటూ ఆరాలు తీస్తున్నారు.
తాజాగా హన్సిక షేర్ చేసిన ఫొటోలు వైర‌ల్ అవుతున్నాయి. ఆమెను ప్ర‌స్తుతం చూసిన వారంద‌రూ షాక‌వుతున్నారు. ఒక‌ప్పుడు గ్లామర్ డాల్ గా ఉన్న ఈమె ఇప్పుడు ఇలా బ‌ల‌హీనంగా మారి క‌నిపిస్తుండడంతో అంద‌రూ ఆశ్చ‌ర్యానికి గుర‌వుతున్నారు. అయితే సెకండ్ ఇన్నింగ్స్ లో ఈమె రాణిస్తుందా.. లేదా.. అనేది చూడాలి.
