సాధారణంగా ఒక తాగుబోతు బొమ్మ గీయాలంటే, దానిని ఎలా వేయాలి అనేది ఆలోచిస్తాం. వాడి ప్రవర్తన ప్రతిబింబించేలా చేతిలో సీసా, మత్తు కళ్ళు, ఊగిపోతూ వుండటం వంటివి చిత్రిస్తాం. ఎందుకంటే, వాడి భావాలు, ఆకారం ఆ విధంగా ప్రతిబింబిస్తేకాని అది వివరంగా వున్నట్లు అనిపించదు. ఆల్కహాల్, కాఫీ, టీ, డ్రగ్స్, జూదం, పొగతాగటం వంటివి బానిస అయ్యాడంటానికి నిదర్శనాలు. బాగా స్ధిరపడిన మీ జీవితం వీటితో నాశనం అవుతుంది. చెడుకు బానిసైతే, అది వారి జీవితంలో ఒక మలుపు. అక్కడినుండి వారు వేరే విధంగా ప్రవర్తిస్తారు. ఒక మనిషి చెడు అలవాట్లకు ఎందుకు బానిసవుతాడు అనేది వారి గ్రహసంచారాన్ని బట్టి వుంటుంది.
పెద్ద గ్రహాలైన శని, కుజుడు, రాహువు ల ప్రభావం చంద్రుడిపై పడటంతో మొదలవుతుంది. అసలు చంద్రుడి పైనే ప్రభావం ఎందుకు? చంద్రుడు మన మనోభావాలకు, మనస్సుకు సంబంధించిన గ్రహం. ఉదాహరణకు శని చంద్రుడిని చూస్తే, అతనికి లేదా ఆమెకు అనేక ఆందోళనలు, చికాకులు వుంటాయి. భవిష్యత్తుపై భయం వుండి వారికి వారే విమర్శించుకుంటారు. ఈ రకంగా అతను ఎందుకు ప్రవర్తిస్తాడు? కుజగ్రహం, చంద్రగ్రహంతో కలిస్తే కోపం చికాకు ఆ మనిషికి కలుగుతాయి. కుజుడు యుద్ధ ప్రభువు ఎరుపు రంగుకు ప్రతీక. కనుక మనోభావాలను ఎర్రటి రంగుతో చూపుతాడు. కనుక జాతకుడు పిచ్చిపట్టిన వాడిలా కోపంతో సంచరిస్తాడు. రాహు గ్రహం చంద్రగ్రహంతో కలిస్తే గాఢమైన కోర్కెలు కలుగుతాయి. ఆశలు ఎక్కువవుతాయి. వీరు అపుడు మరోసారి తాగాలని లేదా ఆ చెడుపని చేయాలని వాంఛిస్తూనే వుంటారు. ఈ రకంగా చెడు అలవాట్లకు బానిసైపోవడం ఒక వ్యాధి చిహ్నం. అయితే అది వ్యాధి మాత్రం కాదు.
రాహుగ్రహ ప్రభావం కల వ్యక్తులు బయటకు చాలా విజయవంతులుగా కనపడతారు.ఈ రకంగా గ్రహాల సంచార ప్రభావంతో మీ భవిష్యత్తు నిర్ణయించుకోవచ్చు. మీ దుఖం లేదా విచారాలకు మీరే భాద్యులు. కనుక, ఏదో ఒకపనిలో నిమగ్నమవండి. అయితే, అది ఆనందాన్నిచ్చేదిగా వుండాలి. ఆనందం మనలోనే వుందని, బయట ఎక్కడా లేదని గ్రహించండి. మంచి లేదా చెడు గ్రహాలు మన జీవితంపై ఎలా ప్రభావం చూపుతాయో గుర్తించండి. ఒక్కసారి మీ జాతకం పరిశీలిస్తే, గ్రహాలనుండి మంచి పొందాలంటే ఏ రకమై చర్యలు చేపట్టి పరిష్కారం పొందవచ్చో, మీకుగల లక్ష్యాలు ఎలా నెరవేర్చుకోవచ్చో, చెడు అలవాట్లకు ఏరకంగా దూరం కావచ్చో గ్రహించవచ్చు.
