Lemon Water : నిమ్మకాయలో అనేక ఔషధ గుణాలు దాగి ఉంటాయి. అందువల్ల ఇది అనేక రకాల అనారోగ్య సమస్యలకు పనిచేస్తుంది. నిమ్మరసాన్ని రోజూ తీసుకోవాలి. అయితే దాన్ని నేరుగా తాగలేం అని అనుకుంటే ఒక గ్లాస్ గోరు వెచ్చని నీటిలో కలిపి తాగవచ్చు. దీంతో ఎలాంటి ప్రయోజనాలు కలుగుతాయో ఇప్పుడు తెలుసుకుందాం.
1. నిమ్మరసాన్ని గోరువెచ్చని నీటితో క్రమం తప్పకుండా తాగడం ఆరోగ్యానికి మేలు చేస్తుంది. ఇది శరీరంలో విటమిన్ సి లోపాన్ని అధిగమించడానికి సహాయపడుతుంది.
2. నిద్రపోయే ముందు ఒక గ్లాసు గోరువెచ్చని నిమ్మకాయ నీరు తాగడం వల్ల శరీరం హైడ్రేటెడ్ గా ఉంటుంది. అంతే కాకుండా నిమ్మ మీ చర్మానికి మేలు చేస్తుంది. చర్మాన్ని బాగా తేమగా ఉంచడానికి సహాయపడుతుంది.
3. వేడి నీరు, నిమ్మరసం కొవ్వును కరిగించడానికి సహాయపడుతుంది. ఇది క్రమం తప్పకుండా చేస్తే కొన్ని వారాలలో దాని ప్రభావం కనిపిస్తుంది.
4. ఆహారం సరిగ్గా జీర్ణం అయితే అనేక రకాల అనారోగ్య సమస్యలను నివారించవచ్చు. కాబట్టి నిద్రపోయే ముందు ఒక గ్లాసు గోరువెచ్చని నిమ్మకాయ నీటిని తీసుకోవడం వల్ల జీర్ణక్రియ మెరుగుపడుతుంది. జీవక్రియను పెంచుతుంది. దీంతో జీర్ణం సరిగ్గా అవుతుంది. మలబద్దకం ఉండదు.
5. వేడి నీటిలో నిమ్మకాయ రసం కలిపి తీసుకోవడం ద్వారా మూత్రపిండాల్లోని రాళ్లు కరిగిపోతాయి. ఇందులో సిట్రిక్ యాసిడ్ ఉంటుంది. స్టోన్స్ ఏర్పడకుండా చూస్తుంది.
