Walnuts Powder Milk : మనకు అందుబాటులో అనేక పోషక పదార్థాలు ఉన్నాయి. వాటిల్లో అధికంగా పోషకాలు ఉండే పదార్థాలు కొన్నే ఉన్నాయి. అలాంటి వాటిల్లో వాల్ నట్స్ ఒకటి. ఇవి ఎంతటి అద్భుతమైన ప్రయోజనాలను అందిస్తాయంటే.. వీటిని తినేందుకు చాలా మంది ఇష్ట పడరు. కానీ వీటితో అనేక లాభాలను పొందవచ్చు. వాల్ నట్స్ను రోజూ గుప్పెడు మోతాదులో తినడం వల్ల అనేక ప్రయోజనాలను పొందవచ్చు.
వాల్ నట్స్ను నేరుగా తినేందుకు కొందరు ఇష్టపడరు. అలాంటి వారు వాల్ నట్స్ను పొడి చేసి దాన్ని రెండు టీస్పూన్ల మోతాదులో పాలలో కలిపి రోజూ రాత్రి నిద్రకు ముందు తీసుకోవాలి. ఇలా చేయడం వల్ల పాలతోపాటు వాల్ నట్స్ ద్వారా కూడా ప్రయోజనాలను పొందవచ్చు. అవేమిటో ఇప్పుడు తెలుసుకుందాం.
1. వాల్ నట్స్ పొడిని కలిపిన పాలను రోజూ పిల్లలకు ఇవ్వడం వల్ల వారిలో ఏకాగ్రత, జ్ఞాపకశక్తి పెరుగుతాయి. దీంతో వారు చదువుల్లో రాణిస్తారు. తెలివితేటలు పెరుగుతాయి.
2. వాల్ నట్స్ను రోజూ ఈ విధంగా తీసుకోవడం వల్ల వృద్ధాప్య ఛాయలు అంత త్వరగా రావు. చర్మం కాంతివంతంగా మారి మెరుస్తుంది. యవ్వనంగా కనిపిస్తారు.
3. డిప్రెషన్, ఆందోళన, ఒత్తిడి వంటి మానసిక సమస్యలతో బాధపడేవారు రోజూ వాల్ నట్స్ను తీసుకోవడం వల్ల ఆయా సమస్యల నుంచి బయట పడవచ్చు. మనస్సు ప్రశాంతంగా మారుతుంది. నిద్ర చక్కగా పడుతుంది. నిద్ర లేమి నుంచి బయట పడవచ్చు.
4. వాల్ నట్స్లో ప్రోటీన్లు అధికంగా ఉంటాయి. అందువల్ల శక్తి బాగా లభిస్తుంది. రోజూ నీరసంగా, నిస్సత్తువగా ఉండే వారు.. పని ఎక్కువగా చేసేవారు, వ్యాయామం బాగా చేసేవారు వాల్ నట్స్ను తీసుకుంటే శక్తి బాగా లభిస్తుంది. ఉత్సాహంగా మారుతారు. చురుగ్గా పనిచేస్తారు.
5. వాల్ నట్స్లో అధికంగా ఉండే ఫైబర్ జీర్ణ సమస్యలను తగ్గిస్తుంది. ముఖ్యంగా మలబద్దకం నుంచి బయట పడవచ్చు. అలాగే వీటిలో కాల్షియం కూడా సమృద్ధిగానే ఉంటుంది. ఇది ఎముకలను దృఢంగా మారుస్తుంది. వాల్ నట్స్లో మెగ్నిషియం, ఫాస్ఫరస్, మాంగనీస్, పొటాషియం కూడా అధికంగానే ఉంటాయి. ఇవి మనల్ని ఆరోగ్యంగా ఉంచుతాయి. వ్యాధులు రాకుండా రక్షిస్తాయి.
6. వాల్ నట్స్ మన గుండె ఆరోగ్యానికి ఎంతో మేలు చేస్తాయి. వీటిని తీసుకోవడం వల్ల హైబీపీ తగ్గడంతోపాటు కొలెస్ట్రాల్ లెవల్స్ అదుపులోకి వస్తాయి. దీంతో గుండె జబ్బులు, హార్ట్ ఎటాక్లు రాకుండా చూసుకోవచ్చు.
7. రాత్రి పూట పాలలో నాలుగైదు కిస్మిస్లు వేసి మరిగించాలి. అనంతరం అందులో వాల్ నట్స్ పొడి కలిపి తాగాలి. దీని వల్ల పురుషుల్లో శరీర పుష్టి కలుగుతుంది. శృంగార సమస్యలు తగ్గుతాయి. శృంగారంలో చురుగ్గా పాల్గొంటారు. వీర్య కణాల సంఖ్య పెరుగుతుంది. సంతానం కలిగే అవకాశాలు మెరుగు పడతాయి.
