Aloo Kurma Recipe : మ‌నం చ‌పాతీ, రోటి వంటి వాటిని కూడా విరివిరిగా ఆహారంగా తీసుకుంటూ ఉంటాం. కొంద‌రూ ప్ర‌తిరోజూ వీటిని తింటుంటారు. వీటిని తిన‌డానికి మ‌నం ఎక్కువ‌గా బంగాళాదుంప కూర‌ను త‌యారు చేస్తూ ఉంటాం. మ‌నం చేసే బంగాళాదుంప కూర రుచిగా ఉంటేనే చ‌పాతీల‌ను మ‌నం ఎక్కువ‌గా తిన‌గలం. ఈ చ‌పాతీల్లోకి రుచిగా అలాగే చాలా సుల‌భంగా అయ్యేలా బంగాళాదుంప కుర్మాను ఎలా త‌యారు చేసుకోవాలి.. త‌యారీకి కావ‌ల్సిన ప‌దార్థాలు ఏమిటి.. అన్న వివ‌రాల‌ను ఇప్పుడు తెలుసుకుందాం.
ఆలూ కుర్మా త‌యారీకి కావ‌ల్సిన ప‌దార్థాలు..
ఉడికించిన బంగాళాదుంప‌లు – పావు కిలో, నూనె – 2 టేబుల్ స్పూన్స్, చిన్న‌గా త‌రిగిన ఉల్లిపాయ – 1 ( పెద్ద‌ది), త‌రిగిన ప‌చ్చిమిర్చి – 2, ఉప్పు – త‌గినంత, ప‌సుపు – పావు టీ స్పూన్, అల్లం వెల్లుల్లి పేస్ట్ – ఒక టీ స్పూన్, ధ‌నియాల పొడి – అర టీ స్పూన్, జీల‌క‌ర్ర పొడి – అర టీ స్పూన్, కారం – ఒక టీ స్పూన్ లేదా త‌గినంత, పెరుగు – అర క‌ప్పు, నీళ్లు – ఒక గ్లాస్, క‌సూరి మెంతి – ఒక టీ స్పూన్, త‌రిగిన కొత్తిమీర – కొద్దిగా, గ‌రం మ‌సాలా – అర టీ స్పూన్.
ఆలూ కుర్మా త‌యారీ విధానం..
ముందుగా బంగాళాదుంప‌లపై ఉండే పొట్టును తీసి ముక్క‌లుగా చేసుకోవాలి. త‌రువాత క‌ళాయిలో నూనె వేసి వేడి చేయాలి. నూనె వేడ‌య్యాక ఉల్లిపాయ ముక్క‌లు, ప‌చ్చిమిర్చి వేసి వేయించాలి. దీనిలోనే ఉప్పు, ప‌సుపు వేసి కలపాలి. ఉల్లిపాయ ముక్క‌లు వేగిన త‌రువాత అల్లం పేస్ట్ వేసి ప‌చ్చి వాస‌న పోయే వ‌ర‌కు వేయించాలి. త‌రువాత కారం, ధ‌నియాల పొడి, జీల‌క‌ర్ర పొడి వేసి కలుపుతూ ఒక నిమిషం పాటు వేయించాలి. త‌రువాత పెరుగు వేసి కలపాలి. దీనిని ఒక నిమిషం పాటు వేయించిన త‌రువాత బంగాళాదుంప ముక్క‌ల‌ను వేసి కలపాలి. త‌రువాత దీనిపై మూత పెట్టి 5 నిమిషాల పాటు వేయించాలి.
త‌రువాత నీళ్లు పోసి క‌లిపి మూత పెట్టి ద‌గ్గ‌ర ప‌డే వ‌ర‌కు ఉడికించాలి. త‌రువాత క‌సూరి మెంతి, కొత్తిమీర వేసి ఒక నిమిషం పాటు ఉడికించాలి. చివ‌ర‌గా గ‌రం మ‌సాలా వేసి మ‌రో నిమిషం పాటు ఉడికించి స్ట‌వ్ ఆఫ్ చేసుకోవాలి. ఇలా చేయ‌డం వ‌ల్ల ఎంతో రుచిగా ఉండే ఆలూ కుర్మా త‌యార‌వుతుంది. దీనిని చ‌పాతీ, పుల్కా, రోటి వంటి వాటితో క‌లిపి తింటే చాలా రుచిగా ఉంటుంది. త‌ర‌చూ చేసే బంగాళాదుంప కూర కంటే ఇలా చేసిన ఆలూ కుర్మా మ‌రింత రుచిగా ఉంటుంది. దీనిని అంద‌రూ ఎంతో ఇష్టంగా తింటారు.
