ఈ మ‌ధ్య కాలంలో ప్ర‌తి శుక్ర‌వారం ఓటీటీల్లో అద్భుత‌మైన సినిమాలు విడుద‌ల‌వుతూ ప్రేక్ష‌కుల‌ను సంద‌డి చేస్తున్నాయి. అందులో భాగంగానే ప్రేక్ష‌కులు కూడా ప్ర‌తి వారం ఓటీటీల్లో రిలీజ్ అయ్యే సినిమాల కోసం ఎంతో ఆస‌క్తిగా ఎదురు చూస్తున్నారు. ఇక ఈ వారం కూడా ప‌లు మూవీలు ఓటీటీల్లో విడుద‌ల కానున్నాయి. మ‌రి వాటి వివ‌రాల‌ను ఇప్పుడు తెలుసుకుందామా..!
మ‌ళ‌యాళ సూప‌ర్ స్టార్ మ‌మ్ముట్టి న‌టించిన భీష్మ ప‌ర్వం అనే సినిమా ఈ వారం ఓటీటీలో విడుద‌ల కానుంది. ఏప్రిల్ 1వ తేదీన డిస్నీ ప్ల‌స్ హాట్ స్టార్‌లో ఈ మూవీని స్ట్రీమ్ చేయ‌నున్నారు. యాక్ష‌న్ థ్రిల్ల‌ర్ క‌థాంశంతో ఈ మూవీని తెర‌కెక్కించారు.
ప్ర‌భాస్‌, పూజా హెగ్డె జంటగా న‌టించిన రాధే శ్యామ్ మూవీ కూడా ఈ వారంలోనే ఓటీటీలో రానుంది. ఏప్రిల్ 1వ తేదీన ఈ మూవీని అమెజాన్ ప్రైమ్‌లో రిలీజ్ చేయ‌నున్నారు. బాక్సాఫీస్ వ‌ద్ద ఈ మూవీ ఫ్లాప్ టాక్‌ను సాధించింది. దీంతో చాలా త్వ‌ర‌గా ఓటీటీలో రిలీజ్ చేస్తున్నారు.
శ‌ర్వానంద్‌, ర‌ష్మిక మంద‌న్న హీరో హీరోయిన్లుగా న‌టించిన ఆడ‌వాళ్లు మీకు జోహార్లు మూవీ థియేట‌ర్ల‌లో విడుద‌లై నిరాశ ప‌రిచింది. ఈ సినిమా కూడా త్వ‌ర‌గానే ఓటీటీలో వ‌స్తోంది. ఏప్రిల్ 2వ తేదీన ఈ మూవీని సోనీ లివ్‌లో స్ట్రీమ్ చేయ‌నున్నారు.
మార్వెల్ సినిమాటిక్ యూనివ‌ర్స్ నుంచి వ‌స్తున్న మ‌రొక చిత్రం.. మూన్ నైట్‌. ఈ సినిమా మార్చి 30వ తేదీన డిస్నీ ప్ల‌స్ హాట్ స్టార్‌లో విడుద‌ల కానుంది.
దుల్క‌ర్ స‌ల్మాన్‌, అదితి రావు హైద‌రి, కాజ‌ల్ అగ‌ర్వాల్‌లు ప్ర‌ధాన పాత్ర‌ల్లో న‌టించిన చిత్రం.. హే సినామిక. ఈ మూవీ కూడా థియేట‌ర్ల‌లో విడుద‌లై ప్రేక్ష‌కుల‌ను అంత‌గా ఆక‌ట్టుకోలేదు. ఈ మూవీని ఏప్రిల్ 1వ తేదీన నెట్‌ఫ్లిక్స్‌లో స్ట్రీమ్ చేయ‌నున్నారు.
