Semiya Payasam : మ‌నం వంటింట్లో అనేక ర‌కాల తీపి ప‌దార్థాల‌ను త‌యారు చేస్తూ ఉంటాం. వాటిలో సేమియా పాయ‌సం కూడా ఒక‌టి. సేమియాను కూడా మ‌నం ఆహారంగా తీసుకంటూ ఉంటాం. సేమియాతో ర‌క‌ర‌కాల వంట‌ల‌ను త‌యారు చేస్తూ ఉంటాం. సేమియాతో చేసే పాయ‌సం చాలా రుచిగా ఉంటుంది. దీనిని చాలా మంది రుచి చూసే ఉంటారు. దీనిని త‌యారు చేయ‌డం కూడా చాలా సుల‌భ‌మే. మ‌నం త‌యారు చేసిన సేమియా పాయ‌సం చ‌ల్లారే కొద్దీ గ‌ట్టి ప‌డుతుంది. సేమియా పాయ‌సం చ‌ల్లారిన త‌రువాత కూడా గ‌ట్టి ప‌డ‌కుండా ఉండాలంటే దీనిని ఏ విధంగా త‌యారు చేసుకోవాలి.. అన్న వివ‌రాల‌ను ఇప్పుడు తెలుసుకుందాం.
సేమియా పాయ‌సం త‌యారీకి కావ‌ల్సిన ప‌దార్థాలు..
సేమియా – ఒక క‌ప్పు, పాలు – 3 క‌ప్పులు, నీళ్లు – 2 క‌ప్పులు, పంచ‌దార – ఒక క‌ప్పు, కాచి చ‌ల్లార్చిన పాలు – ఒక క‌ప్పు, నెయ్యి – 2 టేబుల్ స్పూన్స్, జీడిప‌ప్పు – 2 టేబుల్ స్పూన్స్, బాదం ప‌ప్పు – 2 టేబుల్ స్పూన్స్, ఎండు ద్రాక్ష – 2 టేబుల్ స్పూన్స్, యాల‌కుల పొడి – పావు టీ స్పూన్.
సేమియా పాయ‌సం తయారీ విధానం..
ముందుగా అడుగు భాగంలో మందంగా ఉండే ఒక గిన్నెను తీసుకుని అందులో నెయ్యి వేసి నెయ్యి క‌రిగిన త‌రువాత డ్రై ఫ్రూట్స్ ను వేసి వేయించి ఒక ప్లేట్ లోకి తీసుకోవాలి. అదే గిన్నెలో సేమియాను వేసి రంగు మారే వ‌ర‌కు వేయించి మ‌రొక ప్లేట్ లోకి తీసుకోవాలి. ఇప్పుడు అదే గిన్నెలో 3 క‌ప్పుల పాలు, 2 క‌ప్పుల నీళ్ల‌ను పోసి పాలు మీగ‌డ క‌ట్ట‌కుండా క‌లుపుతూ మ‌రిగించాలి. పాలు మ‌రిగిన త‌రువాత ముందుగా వేయించి పెట్టుకున్న సేమియాను వేసి బాగా క‌ల‌పాలి. సేమియా పూర్తిగా ఉడికిన త‌రువాత ఒక క‌ప్పు కాచి చ‌ల్లార్చిన పాల‌ను, యాల‌కుల పొడిని, వేయించి పెట్టిన డ్రై ఫ్రూట్స్ ను వేసి క‌లిపి స్ట‌వ్ ఆఫ్ చేసుకోవాలి. ఇలా చేయ‌డం వల్ల ఎంతో రుచిగా ఉండే సేమియా పాయ‌సం త‌యార‌వుతుంది. సేమియా తయారీ చివ‌ర్లో కాచి చ‌ల్లార్చిన పాల‌ను పోయ‌డం వల్ల సేమియా పాయ‌సం చ‌ల్లారిన త‌రువాత కూడా గ‌ట్టిప‌డ‌కుండా ఉంటుంది. తీపి తినాల‌నిపించిన‌ప్పుడు ఇలా చాలా సులువుగా, చాలా త‌క్కువ స‌మ‌యంలో ఎంతో రుచిగా సేమియా పాయ‌సాన్ని చేసుకుని తిన‌వ‌చ్చు.
