గర్భవతి మహిళలలో హార్మోన్ల స్ధాయి పెరగటం వలన డయాబెటీస్ వచ్చే అవకాశాలుంటాయి. స్వీట్లు అధికంగా తినడం, శరీరానికి తగిన వ్యాయామం లేకపోవటం ఈ సమస్యకు కారణంగా చెప్పవచ్చు. గర్భవతిలో వచ్చే షుగర్ వ్యాధి డెలివరీ సమస్యలను కూడా కలిగిస్తుంది. సాధారణంగా గర్భం ధరించిన తర్వాత మహిళలకు తిండిపై అధిక ధ్యాస ఏర్పడి తీపి పదార్ధాలు సైతం అధికంగా తినటంతో ఈ సమస్య ఏర్పడుతుంది.
అయితే, గర్భవతులకు వచ్చే డయాబెటీస్ ఆహార మార్పు, ఒత్తిడి కలిగించని జీవన విధానం, కొద్దిపాటి వ్యాయామాలతో తగ్గిపోయే అవకాశం కూడా వుంది. ఆహార, వ్యాయామాలతో తగ్గని డయాబెటీస్ కు బిడ్డపుట్టే సమయానికి ఇన్సులిన్ ఇచ్చి అయినా సరే వైద్యులు ఆ వ్యాధిని నియంత్రణలో వుంచుతారు.
డయాబెటీస్ వున్న మహిళకు పుట్టే బిడ్డ 4 నుండి 4.5 కెజీల బరువు వుంటే అధికమనే చెప్పాలి. ఈ బిడ్డలకు డెలివరీ సమయంలోనే గాయాలు అయ్యే ప్రమాదం వుందని వైద్య నిపుణులు చెపుతారు. తల్లికి గల షుగర్ వ్యాధి బిడ్డకు కూడా సంక్రమిస్తుందని చెపుతారు.
