Mutton Keema Menthikura : మ‌నం మ‌ట‌న్ కీమాతో ర‌క‌ర‌కాల వంట‌కాల‌ను త‌యారు చేసి తీసుకుంటూ ఉంటాము. మ‌ట‌న్ కీమాతో చేసే వంటకాలు చాలా రుచిగా ఉంటాయి. మ‌ట‌న్ కీమాతో చేసే వంట‌కాల‌ను చాలా మంది ఇష్టంగా తింటారు. మ‌ట‌న్ కీమాతో చేసుకోద‌గిన వివిధ ర‌కాల రుచిక‌ర‌మైన వంట‌కాల్లో మ‌ట‌న్ కీమా మెంతికూర కూడా ఒక‌టి. మ‌ట‌న్ కీమా, మెంతికూర క‌లిపి చేసే ఈ క‌ర్రీ చాలా రుచిగా ఉంటుంది. దేనితో తిన‌డానికైనా ఇది చాలా చ‌క్క‌గా ఉంటుంది. దీనిని త‌యారు చేసుకోవ‌డం కూడా చాలా సుల‌భం. వీకెండ్స్ లో, స్పెష‌ల్ డేస్ లో ఇలా మ‌ట‌న్ కీమాతో రుచిగా త‌యారు చేసి తీసుకోవ‌చ్చు. ఎంతో రుచిగా ఉండే ఈ మ‌ట‌న్ కీమా మెంతికూర‌ను ఎలా త‌యారు చేసుకోవాలి.. అన్న వివ‌రాల‌ను ఇప్పుడు తెలుసుకుందాం.
మ‌ట‌న్ కీమా మెంతికూర త‌యారీకి కావ‌ల్సిన ప‌దార్థాలు..
నూనె – 3 లేదా 4 టేబుల్ స్పూన్స్, మెంతికూర – 3 క‌ట్ట‌లు, జీల‌క‌ర్ర – అర టీ స్పూన్,త‌రిగిన ప‌చ్చిమిర్చి – 2, పొడుగ్గా త‌రిగిన ఉల్లిపాయ‌లు – 2, అల్లం వెల్లుల్లి పేస్ట్ – ఒక టీ స్పూన్, త‌రిగిన ట‌మాటాలు – 2, ప‌సుపు – పావు టీస్పూన్, కారం – ఒక టీ స్పూన్, ధ‌నియాల పొడి – ఒక టేబుల్ స్పూన్, ఉప్పు – త‌గినంత, గ‌రం మసాలా – అర టీ స్పూన్.
మ‌ట‌న్ కీమా ఉడికించ‌డానికి కావ‌ల్సిన ప‌దార్థాలు..
మ‌ట‌న్ కీమా – పావుకిలో, ప‌సుపు – పావు టీ స్పూన్, కారం – ఒక టీ స్పూన్, అల్లం వెల్లుల్లి పేస్ట్ – ఒక టీ స్పూన్, ఉప్పు – త‌గినంత, నీళ్లు – ఒక గ్లాస్.
మ‌ట‌న్ కీమా మెంతికూర త‌యారీ విధానం..
ముందుగా కుక్క‌ర్ లో శుభ్రం చేసిన కీమాతో పాటు కీమా ఉడికించ‌డానికి కావ‌ల్సిన మిగిలిన ప‌దార్థాలు వేసి క‌ల‌పాలి. త‌రువాత కుక్క‌ర్ మూత పెట్టి 4 నుండి 5 విజిల్స్ వ‌చ్చే వరకు ఉడికించి స్ట‌వ్ ఆఫ్ చేసుకోవాలి. త‌రువాత క‌ళాయిలో నూనె వేసి వేడి చేయాలి. నూనె వేడ‌య్యాక మెంతిఆకులు వేసి బాగా వేయించి ప్లేట్ లోకి తీసుకోవాలి. త‌రువాత అదే నూనెలో జీల‌క‌ర్ర వేసి వేయించాలి. త‌రువాత ప‌చ్చిమిర్చి, ఉల్లిపాయ ముక్క‌లు వేసి వేయించాలి. ఇవి వేగిన త‌రువాత అల్లం వెల్లుల్లి పేస్ట్ వేసి ప‌చ్చి వాస‌న పోయే వరకు వేయించాలి.
త‌రువాత ట‌మాట ముక్క‌లు వేసి ముక్క‌లు మెత్త‌బ‌డే వరకు వేయించాలి. త‌రువాత ప‌సుపు, కారం, ఉప్పు, ధ‌నియాల పొడి వేసి వేయించాలి. ఇవ‌న్నీ చ‌క్క‌గా వేగిన త‌రువాత ఉడికించిన కీమా వేసి క‌ల‌పాలి. త‌రువాత వేయించిన మెంతికూర వేసి క‌ల‌పాలి. త‌రువాత దీనిపై మూత పెట్టి నీరంతా పోయే వరకు ఉడికించాలి. త‌రువాత గ‌రం మసాలా వేసి క‌ల‌పాలి. దీనిపై మ‌ర‌లా మూత పెట్టి నూనె పైకి తేలే వరకు బాగా ఉడికించి స్ట‌వ్ ఆఫ్ చేసుకోవాలి. ఇలా చేయ‌డం వ‌ల్ల ఎంతో రుచిగా ఉండే మ‌ట‌న్ కీమా మెంతికూర త‌యార‌వుతుంది. దీనిని అన్నం, చ‌పాతీ వంటి వాటితో తింటే చాలా రుచిగా ఉంటుంది. ఈ విధంగా త‌యారు చేసిన మ‌ట‌న్ కీమాను అంద‌రూ ఎంతో ఇష్టంగా తింటారు.
