Lungs Health : ఊపిరితిత్తులు మన శరీరంలో అనేక విధులను చక్కగా నిర్వహిస్తాయి. ఊపిరితిత్తులు దెబ్బతిన్నప్పుడు శరీరానికి స్వచ్ఛమైన ఆక్సిజన్ అందడంలో చాలా ఇబ్బందులు ఎదురవుతాయి. కరోనా కాలంలో ఊపిరితిత్తుల ఆరోగ్యాన్ని కాపాడుకోవడం మరింత ముఖ్యమైనదిగా మారింది. ఎందుకంటే కరోనా వైరస్ మొదట ఊపిరితిత్తులను లక్ష్యంగా చేసుకుంటుంది. ఊపిరితిత్తులు కుంచించుకుపోవడం వల్ల శ్వాస తీసుకోవడంలో ఇబ్బంది ఏర్పడుతుందని ఆరోగ్య నిపుణులు అంటున్నారు. అందువల్ల వాటిని జాగ్రత్తగా చూసుకోవడం చాలా ముఖ్యం.
శరీరంలో ఊపిరితిత్తుల ప్రాముఖ్యత అందరికీ తెలిసిందే. ఊపిరితిత్తులు ఆక్సిజన్ను ఫిల్టర్ చేయడానికి పని చేస్తాయి. ఎల్లవేళలా అవి ఆరోగ్యంగా ఉండాలంటే ఊపిరితిత్తులు ఎలాంటి ఆటంకాలు లేకుండా పనిచేయడం అవసరం. డైట్ నిపుణులు ఏమంటున్నారంటే.. ఊపిరితిత్తులు ఆరోగ్యంగా ఉండాలంటే ఆరోగ్యకరమైన ఆహారం అవసరమని చెబుతున్నారు. ఊపిరితిత్తులను బలహీనపరిచే కొన్ని అంశాలు కూడా ఉన్నాయి. మీరు వాటికి దూరంగా ఉండాలి. వీటిలో ప్రాసెస్ చేసిన మాంసం, చక్కెర పానీయాలు, అతిగా మద్యం సేవించడంతోపాటు ధూమపానం, పొగాకు ఉన్నాయి. వీటిని తీసుకోవడం వల్ల ఊపిరితిత్తులు దెబ్బతింటాయి. కాబట్టి వీటిని తీసుకోవద్దు.
వీటిని దూరంగా ఉంచండి
1. ఉప్పు
ఉప్పు ఆరోగ్యానికి అవసరమైనదిగా పరిగణించబడుతుంది. కానీ పరిమిత పరిమాణంలో తీసుకోవాలి. ఎవరైనా ఉప్పును ఎక్కువగా తీసుకుంటే ఊపిరితిత్తులలో వచ్చేందుకు అవకాశాలు ఉంటాయి. ఊపిరితిత్తులు ఆరోగ్యంగా ఉండాలంటే ఉప్పును తక్కువగా తీసుకోవాల్సి ఉంటుంది.
2. చక్కెర పానీయాలు
ఊపిరితిత్తులకు చక్కెర పానీయాలు హానికరం అని ఆరోగ్య నిపుణులు అంటున్నారు. ఎందుకంటే, పెద్దలలో బ్రాంకైటిస్ వచ్చేందుకు అవకాశం ఉంటుంది. అటువంటి పరిస్థితులలో చక్కెర పానీయాల వినియోగాన్ని తగ్గించాలి. బదులుగా మీరు వీలైనంత ఎక్కువ నీరు తాగాలి.
3. ప్రాసెస్ చేసిన మాంసం
ప్రాసెస్ చేసిన మాంసం ఊపిరితిత్తులకు అస్సలు మంచిది కాదని, ప్రాసెస్ చేసిన మాంసం హాని చేస్తుందని ఆరోగ్య నిపుణులు అంటున్నారు. ఎందుకంటే దానిని సంరక్షించడానికి నైట్రేట్ అనే మూలకాన్ని కలుపుతారు. ఇది ఊపిరితిత్తులలో మంట, ఒత్తిడిని కలిగిస్తుంది. అటువంటి పరిస్థితిలో ప్రాసెస్ చేయబడిన మాంసం లేదా ఇతర ఆహారాలను తినడం మానేయాలి. దీంతో ఊపిరితిత్తుల ఆరోగ్యాన్ని సంరక్షించుకోవచ్చు.
4. పాల ఉత్పత్తులు
పాలు, పెరుగు, చీజ్ వంటి పాల ఉత్పత్తులు ఆరోగ్యానికి చాలా ఉపయోగకరమే. అయినప్పటికీ మీరు వాటిని ఎక్కువగా తీసుకుంటే అవి ఊపిరితిత్తులకు హానిని కలగజేస్తాయి. అందువల్ల పాల ఉత్పత్తులను ఎక్కువగా తీసుకోవద్దు. వాటిని పరిమిత మోతాదులో తీసుకుంటేనే ఊపిరితిత్తులకు మేలు జరుగుతుంది. లేదంటే హాని జరుగుతుంది.
5. ఆల్కహాల్
మద్యం ఊపిరితిత్తులకు హానికరం. ఇందులో ఉండే సల్ఫైట్స్ ఆస్తమా లక్షణాలను తీవ్రతరం చేస్తాయి. ఆల్కహాల్లో ఇథనాల్ కూడా ఉంటుంది. ఇది ఊపిరితిత్తులను దెబ్బతీస్తుంది. అటువంటి పరిస్థితిలో మీరు అధిక ఆల్కహాల్ వినియోగాన్ని తగ్గించాలి. దీని వల్ల ఊపిరితిత్తులను ఆరోగ్యంగా ఉంచుకోవచ్చు.
