Prabhas : మలయాళ ముద్దుగుమ్మ మాళవిక మోహనన్ ఇటీవలి కాలంలో తెగ హాట్ టాపిక్ అవుతుంది. ఈ అందాల ముద్దుగుమ్మ సోషల్ మీడియాలో చేసే సెన్సేషన్ అంతా ఇంతా కాదు. మాళవిక మోహనన్ సోషల్ మీడియాలో చాలా యాక్టివ్గా ఉంటుంది. ఆమె నిత్యం తన ఫోటో షూట్లతో రెచ్చిపోతుంటుంది. ఎప్పుడు ఆమె నుంచి కొత్త ఫోటోలు వస్తాయని అంతా ఎదురుచూస్తుంటారు. హాట్ డోస్ పెంచుతూ వారికి ఫుల్ మీల్స్ పెడుతుంటుంది. అందుకే ఈ బ్యూటీకి బయట కంటే సోషల్ మీడియాలోనే ఫాలోయింగ్ ఎక్కువ. ఈ అమ్మడు సినిమాల కన్నా సోషల్ మీడియాతోనే ఎక్కువగా హాట్ టాపిక్గా మారుతూ ఉంటుంది.
విజయ్ సినిమాలో నటించి అందరి దృష్టిని ఆకర్షించిన మాళవిక ప్రస్తుతం మాళవిక తమిళంలో ధనుష్ సరసన నటిస్తుంది. `మారన్` పేరుతో రూపొందుతున్న చిత్రంలో హీరోయిన్గా నటిస్తుంది. ఇప్పుడు ఈ ముద్దుగుమ్మ ప్రభాస్ సినిమాతో తెలుగులోకి కూడా ఎంట్రీ ఇవ్వనుందనే ప్రచారం నడుస్తుంది. ప్రస్తుతం వరుస సినిమాలతో బిజీగా ఉన్న ప్రభాస్..దర్శకుడు మారుతీతో ఓ సినిమా చేయనున్న సంగతి తెలిసిందే. తాత్కాలికంగా ‘రాజా డీలక్స్’ అనే టైటిల్ తో తెరకెక్కుతున్న ఈ చిత్రం షూటింగ్ త్వరగా పూర్తి కానుందని సమాచారం.
మరికొన్ని రోజుల్లో ఈ చిత్రాన్ని ప్రకటించనున్నట్టు ఫిల్మ్ నగర్ వర్గాల నుంచి టాక్ వినిపిస్తోంది. అయితే ఇందులో ప్రభాస్ సరసన ముగ్గురు హీరోయిన్స్ ఉంటారని, అందులో ఇప్పటికే రాశీ ఖన్నా ఓ హీరోయిన్గా ఓకే అయ్యిందని టాక్.ఇప్పుడు హీరోయిన్ను కూడా ఫిక్స్ చేసినట్లు వార్తలు వినిపిస్తున్నాయి. ఆమె ఎవరో కాదు..మాస్టర్ సినిమాలో విజయ్ సరసన నటించి ఆకట్టుకున్న హాట్ బ్యూటీ మాళవిక మోహన్.. షార్ట్ టైంలో ఈ అమ్మడు ప్రభాస్ సరసన ఛాన్స్ దక్కించుకుందంటే మాములు విషయం కాదు. ఇక ప్రభాస్ విషయానికి వస్తే ప్రస్తుతం ఆయన ఆదిపురుష్, సలార్,ప్రాజెక్ట్ కె , స్పిరిట్ చిత్రాలతో బిజీగా ఉన్నాడు.
