Garlic Milk : పాలు.. వెల్లుల్లి.. ఇవి రెండూ మనకు కలిగే అనేక వ్యాధులను తగ్గించే అద్భుతమైన పదార్థాలు అని చెప్పవచ్చు. పాల ద్వారా మనకు అనేక పోషకాలు లభిస్తాయి. అదే వెల్లుల్లి అయితే యాంటీ బయోటిక్, యాంటీ వైరల్గా పనిచేస్తుంది. ఇక ఈ రెండింటినీ కలిపి తీసుకుంటే బోలెడు ప్రయోజనాలు కలుగుతాయి. అవేమిటో ఇప్పుడు తెలుసుకుందాం.
1. సీజన్లు మారినప్పుడల్లా సహజంగానే దగ్గు, జలుబు వస్తుంటాయి. చలికాలంలో ఈ సమస్యలు కాస్త ఎక్కువగానే బాధ పెడుతుంటాయి. అయితే పాలలో వెల్లుల్లి రెబ్బలను వేసి మరిగించి తాగితే ఈ సమస్యల నుంచి బయట పడవచ్చు. దగ్గు, జలుబు నుంచి సత్వరమే ఉపశమనం లభిస్తుంది.
2. మలబద్దకం, గ్యాస్ సమస్యలు ఉన్నవారు వెల్లుల్లి పాలను తాగుతుంటే ఆ సమస్యల నుంచి బయట పడవచ్చు. శరీరంలో ఎక్కువ అయిన వాతాన్ని తగ్గిస్తాయి. దీంతో అనారోగ్య సమస్యలు తగ్గుతాయి.
3. మొటిమల సమస్య ఉన్నవారు రోజూ వెల్లుల్లిని పాలలో మరిగించి తాగుతుంటే మొటిమలు తగ్గుతాయి. చర్మం సురక్షితంగా ఉంటుంది.
4. వెల్లుల్లి పాలను తాగడం వల్ల షుగర్ లెవల్స్ తగ్గుతాయి. డయాబెటిస్ అదుపులో ఉంటుంది. గుండె ఆరోగ్యంగా ఉంటుంది. శరీరంలో రక్త సరఫరా మెరుగు పడుతుంది. కొలెస్ట్రాల్ లెవల్స్ తగ్గుతాయి.
5. వెల్లుల్లి పాల మిశ్రమంలో యాంటీ ఆక్సిడెంట్లు ఎక్కువగా ఉంటాయి. ఇవి శరీరానికి హాని చేసే ఫ్రీ ర్యాడికల్స్ ను నాశనం చేస్తాయి. దీంతో క్యాన్సర్ రాకుండా చూసుకోవచ్చు.
6. పాలు, వెల్లుల్లి మిశ్రమంలో యాంటీ ఇన్ఫ్లామేటరీ లక్షణాలు ఉంటాయి. అందువల్ల కీళ్ల నొప్పులు ఉన్నవారు ఈ పాలను తాగితే నొప్పులు, వాపులు తగ్గుతాయి. ఆర్థరైటిస్ నుంచి ఉపశమనం లభిస్తుంది.
