నిత్యం మనం తిరిగే వాతావరణం, తినే పదార్థాలు, తాగే ద్రవాలు, పలు ఇతర కారణాల వల్ల మన ఊపిరితిత్తులు అనారోగ్యం బారిన పడుతుంటాయి. వాటిల్లో కాలుష్య కారకాలు చేరుతుంటాయి. దీంతో శ్వాసకోశ సమస్యలు వస్తాయి. అయితే కింద తెలిపిన సులభమైన శ్వాస వ్యాయామం చేయడం వల్ల ఊపిరితిత్తులను శుభ్రం చేసుకోవచ్చు. మరి ఆ వ్యాయామాన్ని ఎలా చేయాలో ఇప్పుడు తెలుసుకుందామా..!
స్టెప్ 1 – నేలపై వెల్లకిలా పడుకోవాలి.
స్టెప్ 2 – రెండు అర చేతులను తెచ్చి పొట్టపై పెట్టాలి.
స్టెప్ 3 – కళ్లు మూసుకుని రెండు నాసికా రంధ్రాల ద్వారా శ్వాసను పీలుస్తూ 5 వరకు లెక్కబెట్టాలి.
స్టెప్ 4 – రెండు సెకన్ల పాటు శ్వాసను బిగపట్టి ఉంచాలి. తరువాత శ్వాసను నెమ్మదిగా వదులుతూ మళ్లీ 5 వరకు లెక్కించాలి.
స్టెప్ 5 – ఈ వ్యాయామాన్ని ఉదయాన్నే పరగడుపునే కనీసం 10 సార్లు చేయాలి.
దీన్ని అవసరం అనుకుంటే ఉదయం, సాయంత్రం కూడా చేయవచ్చు. ఈ వ్యాయామం చేయడం వల్ల శ్వాస కోశ సమస్యలు తగ్గుతాయి. ఊపిరితిత్తులు ఆరోగ్యంగా ఉంటాయి. ఊపిరితిత్తుల్లో ఉండే వ్యర్థాలు బయటకు పోయి ఊపిరితిత్తులు శుభ్రమవుతాయి.
1. అతి మధురం చూర్ణాన్ని అర టీస్పూన్ మోతాదులో రోజూ రాత్రి ఒక గ్లాస్ గోరు వెచ్చని పాలలో కలిపి తీసుకోవడం వల్ల కూడా ఊపిరితిత్తులు శుభ్రమవుతాయి.
2. ఉదయం పరగడుపునే రెండు టీస్పూన్ల అల్లం రసం సేవిస్తున్నా ఊపిరితిత్తులు ఆరోగ్యంగా ఉంటాయి.
3. పుదీనా ఆకులను నీళ్లలో వేసి మరిగించి రోజూ ఆ నీటిని తాగుతుంటే ఊపిరితిత్తులు శుభ్రమవుతాయి.
